Mateo 16:18 - El Nuevo Testamento en matsés

¹⁸ Tantia. Umbitsen mibi chuinu. Cuënotebimbuecquid nec, quequin mibi Petedo cuënondambi. Cuënote dapa utsi ictiapimbo yacbimbuec chieshtoenquio icquid iquendac, queshun mibia ubi tantiaquidon chuiquid tapambo icmendambi. Adoac mimbi chuibanaido ubi tantiaquido iquendac. Aidotedi abi chieshënquidon cuessunemequin uesquin nibëdanmetiapimbo iquendac.

Mateo 16:18 ပူးပေါင်းရင်းမြစ်များ

Mateo 10:2

Nëidtedi ambi: Ubi chuibenneta, caido icpondash. Nëidic Simon cashumbic Petedo cuënaid. Nëidic aton utsi Andedes. Nëidic Sebedeon mado Santiacobëd Uan.

Mateo 11:23

Adembidi nëmbo icquido Capednaun yacnocquidotedi chiec: Nuquin Papa yacno tabadtequido nebi ¿quecta mibitedi ique? Tantia. Chuinu. Ma mibitedi Nuquin Papan chian annëdënquiacno nësecatequidombo nepayoc. Ëndenquimboshë shubu dadpen icquid Sodoma yacnocquido cuidquin Nuquin Papan nibëdanmepampic. Umbi nadatiambocquin nabanquin mibitedi ismebocpadombuen ismiac aidon ambi icsambuen naid ëntsempampic. Aden abi icsaid ënsho Nuquin Papan aido cuidenquio icac nëbi aton matses abi ictsiash.

Mateo 18:17

Mimbi buanaidontsen: Aden icsambuen nainda, caqui: Adequi icsaibi, quesho tantiatanec choshon mibëtan ubi tantiec iccuededquidon chuiquido chuituidta. Mimbitsen chuitanta, cac aidontsen chiaqui tantienquio icsho issun: Nuquin Papan Chiaid niac niacquid yec Esus tantiesa nec. Doma yacnocquidon chuiquid dapanquio chiacted piucquid bedquidbimbuec icsaquid nec, queshun ubi tantiaquido cuëdënacno chomenda.

Mateo 4:18

Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën.

Mateo 7:24

Adshumbic Esusën padpiden naden chuipanëdash: Umbi chuibambued tantiashun umbi chiacpadombuen nata. Aden nabanquid yec shubu uaquin bëdambuen tantiaquidbimbuec mibi ictsiaque. Tantia. Chuinu. Bëdambuen tantiaquidënquio mannanënquio buintad tabëcshun shubu uaquid nendac.

Uanën dada uaid 1:42

Adshumbic Andedesën aton buchi buanac Esus isec chopanëdash. Chosho isash Esus: Uanën mado Simon mibi nec. Utsi uain cuënquin mibi Sepas cashumbic Petedo caimbi, capondash.

Hechos 2:47

Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Hechos 8:1

Esteban cuënoten sesequin cuessunnenu, cac: Ai, adota, quiash ambobi isec Saudo tsadpanëdash. Esteban sesiaid uëshëmbi Edusaden yacnoshon Saudon Esus tantiaquid utsi utsien cumapenen mëyanmequin tauadopanëdash. Adosho isash Esus chuibennequido ambobi tabadpanëdash. Adnubien Esus tantiaquid utsibo uanno uannoec nidannec nidaid Udea yacno utsi utsiec nidanniash tabadnubi Samadia caid yacno nidanniash utsibo tabaduapanëdash.

Codinto 1 15:55

Adquid icmian ¿mitsimbo uënëstequid istuidpec? Aid dëniacac nibëdquiec. Adembidi ¿mitsimbo uënësmiantequidën chishpi istuidpec? Aid chicac nibëdquiec, quequin chuipampic.

Cadasia 2:9

Aid chuiquid tapabo Santiaco yec Petedo yec Uan yec quec icpondash. Aido: Isadaidpembo Esusën naid mimbi chuibennenubi adembidi isadaidbombo chuibennendambi, quepondash. Adshumbic: Ubipadquid yec mibitsen Esus chuibennequid nec, queshun chuiquid tapabon ubëd icquid Bednabebëta mëdimpondashi.

Epeso 3:10

Adembidi nëbi chuibenniac matses dadpen Esuquidistu tantiaquido yanacsho issun Nuquin Papabëd icquidobëtan abuc icquid Mayan Icsa Satanasën iuabo abitedishun naden tantiendac: Nuquin Papan abitedi tantiaquidquio icquin Esuquidistu tantiaquid dadpen yanmiac, quequin tantiendac.

Epeso 5:32

Aden abi bunacpadombuen ambi matses tantiamenquio icpampidi mimbi tantiacmaid Nuquin Papan mibi Esus tantiamendac. Adoac Esuquidistu abi tantiaquidobëd tabadendac, quequin chiec nebi.

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Timoteo 1 3:15

Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.

Timoteo 1 3:5

¿Aden aton chidobëta aton bacuëbo bëdambuen namenquio icquinda Esus tantiaquid iccuededquido bëdambuen namepatsiash? Padenquio ictsiash.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Esusën Uan ismiaid 11:15

Nuquin Papabëd icquidën shoncate sanambuedën nainquin shoncaposh. Shoncanubien abucuësh cumapenec cuëdëncuededposh naden chiec: Nuquin Papa Ambi Chomiaid Nuquin Icbo Esuquidistubëd abitedishun Icbombo yec nidaidën icquidtedishun Chuiquid Tapambo nendac. Adquidquio icquin ënenquio icquin abitedimbo namendac.

Esusën Uan ismiaid 21:14

Aid shubu daquënë uadonon sandoaid nidaid cuënote nuamboshëcquid 12ted icnuc sandobanaidën Obecabimbuecquidën: Ubi chuibenneta, caido 12ted icquidon cuëmëdquid cuëmëdquidquien aid cuënoten dada uabampaccosh.