Mateo 15:32 - El Nuevo Testamento en matsés

³² Adec tabadsho isashien Esus: Matses bunec tabadsho isash nëido tantiec uënësquio iquebi. Aidon ubëd daëdec ushec tabadquin aton pete uesquin piash bunec tabadec, queshun pemiambobi: Min shubu yacno nidshun petan, cac podquiedën nidannec padishnushe, queshun nidannemetiapimbo iquebi, quepondash Esus abëd icquido chiec.

Mateo 15:32 ပူးပေါင်းရင်းမြစ်များ

Mateo 12:40

Onas nuëcquid tapa nuamboshëcquidën chebudac aidën pucun uec daëdec ushpampic. Adecbidi Matsesën Tishaid icshobi mëyanquin uënës uacsho chococac Onas yampicpadec daëdec ushash uincuenquin mibitedi ismendambi.

Mateo 14:13

Nidshumbic: Mibi acten mentondaid Uan mapi butiaccosh, quequin chuituidpondash. Adsho tantianec cano antabëdtoanec nidec abentsëqui icnuec matses nibëdacno Esus nidpondash. Adec nidquin chian potesho isash: Nuquitsen nidnunid, quianec shubu dadpen icquid yacnouësh choquido matses dadpen chian dëquiadec podqued nidquidën nidannepaccondash.

Mateo 15:33

Adsho tantiashumbien abëd icquidon: Shubu nibëdec matses nibëdacno nuqui tabadec. Adquid icnuc ¿mitsimbo pete bedtiad? Ma matses dadpenquioshë icpayoc, capondash.

Mateo 20:34

Adsho tantiashun aid daëd uënësquio icquin bëdambuen isquin Esusën bëshuaid daëdi bëmishnubi badedquio bëdanquin isbempondash. Adshun abidaëdshumbi Esus nidsho tsibanampondash.

Mateo 27:63

Esus muaquidquio yec nadpadennec: Uënësash daëdec ushash uincuenendabi, quec muapadenneque.

Mateo 9:36

Abi tantiesabo dadpen chochosho isash uënësquio icnuc shubiantiadtsëcquio icpondash Esus. Abi dayun uaquid nibëdnuc nëish iua obeca icsambuec tabadacbimbuec icsambuec tabadec. Nuquin Papa bëdambuen ismete chiabi icac tantienquio yec bëdambuec tabadtiapimbo iquec, quiash shubiantiadtsëcquio icpondash Esus.

Madcos 9:22

Abi dapuduedaidën cute dëtsiadoaid nënedenniosh. Adembidi uënësmenu, quequin actetsen nëpaëdmedenniosh. ¿Ada ubëta cun madompi tantiaquin podobitsi icsa dapuduedaid dapuduenmeshuntsia? quepanëdash madompin papa Esus chiec.

Ducas 7:13

Adec choec niante shubisho isash uënësquio icquin Esusën: Shubienquio yec ënëd, capanëdash.

Hechos 27:33

Adashic badiadte anoentsëc yannubi Pabado nadpondash: 13tedec ushquin: Mentoadtsiabi, quequin tantiaded tantiadedquin mimbi penquio iccoc.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.