Mateo 15:27 - El Nuevo Testamento en matsés

²⁷ Adsho tantiashumbien chidon: Ai, abimbo mimbi caic, Icbo. Padnuen icbon pequin paëdmiaid opan petsëcquid,

Mateo 15:27 ပူးပေါင်းရင်းမြစ်များ

Mateo 15:26

¿Aton bacuëbon petebi bedtanquin opaba pemiacta bëdambo icpadic? quepondash.

Mateo 15:28

caquien Esusën: Ai. Ubi tantiaquidquio mibi nec. Mimbi chiacpadec min champi bëdanendac, quesho tantianec aton shubuno nidshun isaquien aton champi bëdanac Esusën chuibocpadënquiobi.

Mateo 5:45

Aden chiannesho tantiec Nuquin Papa abuc tsadquidën: Cun mado nec. Cun champi nec, caido mibitedi iquendac. ¿Bëdambo icquido yacnouidtsëquida Nuquin Papan uëshë chëncamepadic? Padenquio. Icsambo icquido yacnotsen uëshë chëncamec. ¿Bëdambo icquido yacnouidtsëquida ue chomepadic? Padenquio. Icsambo icquido yacnotsen ue chomec.

Mateo 8:8

sondadon chuiquid capitanën: Padi, Icbo. Mibi bëdamboshë icquidquio nec. Ubi icsambocquid icquin mibi cun shubun puduedmetiapimbo iquebique. Nidenquio icquin nëshunquiobi mimbi tantiacpadombuen chuiquin: Bëdanta, cac cun iua bëdantsiashe, Bëdanmeta.

Madcos 7:28

Adsho tantiashien chido: Icbo, mimbi chiaid abimbo iquec. Padnuen aton bacuëbon pequin paëdmiaid cuëshëmpi opan petsëcquid, quepanëdash chido Esus chiec.

Ducas 16:21

Ambo tsadec atona dadpen icquidën pequin secaid bedshun pete bunquiec tsadposh. Adnubi opa choquin aton chiuë bëtashshuntuidposh.

Ducas 18:13

Aden padiseobon chuibombien aton matses piucquid bedshumënquid puduedash uanno nidtuidshun Nuquin Papa chiec: Icsambocquid nebi, Papa. Adquid nebi, quequin ismec shuebudacchobi abuc isenquio yec shubiec onquec: Icsambuen nabanquid nebique. Umbi icsambuen naid tantienquio yec bëshunta, Papa, queposh, quepanëdash Esus.

Doma 10:12

Nuquin Papan: Isadaidbo nec. Matses utsibo nec, quenquio icquin abitedishun Icbombo icsho matsesën: Ubi nashun, Papa, quequin abi chuisho tantiashun: Nashuntiapibi, quenquio icquin nashunendac.

Doma 3:19

Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Doma 3:29

¿Isadaidbouidtsëquida Nuquin Papan: Cun matses nec, quequin bëdambuen ispatsiash? Padenquio. Matses abitedishun Esus tantiasho Nuquin Papan bëdambuen isendac.

Doma 3:4

Natsiash, caimbi. Aden ambi chiacpadombuen naquidquio Nuquin Papa nec. Matses abitedimbo muaquido icnuc Nuquin Papan naden chuiquin dada uamiampid iquec: Abimbo chuiquidquio icquin ambi chiacpadombuen naquidquio nec. Adquid icquin: Icsambocquid cuidquid nebi, quequin mibi icsambuen chuishunquido dëniacquin cuidquidquio nec, quequin dada uamepampic.

Epeso 3:19

Adembidi ënenquio icquin matses tantiaquidquio Esus nec, quequin matsesën tantiatiapimbo iquec. Adquid icnuc ubi Esus tantiamequin mimbi nacpadombuen utsibo Esus tantiaquidquio icmeta, quequin Nuquin Papa chiannembi.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.