Mateo 15:18 - El Nuevo Testamento en matsés

¹⁸ Matses onquiaidimbi ana shëcuënuësh choaid caoc. Abi ëquëducuësh chieshëmënec onquec: Adoembi, quequin otacquio tantiaquin icsambuen chuiquin matsesën icsambuen naindac nadquidtedi.

Mateo 15:18 ပူးပေါင်းရင်းမြစ်များ

Mateo 12:34

Ma mibitedi nisibimbuecquido neyoc. Adquido icquin ¿Mitsipaden bëdambuen tantiaquin mimbi chuibampe? Ma mimbi icsambuen tantiaquin utsibo icsambuen chuishumboc.

Mateo 15:11

Tsusedpabon chiampicpadombuen mëpamëdambobi pete ambi pequin chebudaidën matses icsatiapimbo iquendac. Padnuen ambibi ëquëducshun icsambuen tantiaquin chiec onquiaidëmbien matses icsaindac, quequin Esusën chuipondash.

Mateo 15:17

Tantia. Chuinu. Ana shëcuën puduednuc mimbi pete pequin chebudbued min pucuno budash iuecpactsëc yash min dadanouësh puduenuaic. Adquidën Nuquin Papan Chiaid niacmequin icsamenquio iquendac.

Madcos 7:20

Aden chuishumbic: Ambi ëquëducshun icsambuen tantiacpaden nabanec matses icsaindac.

Ducas 19:22

Adoaquien chuiquid tapan: Umbi chiaid niacquid yec cun iua icsambocquid mibi nec. Umbi naid tantiaquimbi umbi chiaid nainquio icsho mibi cuidmembi. Utsinabëta utsin nitsinaid bedbanquid mibi icsho isombi. Adquid icquin chushcanushe, ¿quequinda tantio?