Mateo 15:17 - El Nuevo Testamento en matsés

¹⁷ Tantia. Chuinu. Ana shëcuën puduednuc mimbi pete pequin chebudbued min pucuno budash iuecpactsëc yash min dadanouësh puduenuaic. Adquidën Nuquin Papan Chiaid niacmequin icsamenquio iquendac.

Mateo 15:17 ပူးပေါင်းရင်းမြစ်များ

Mateo 15:16

Esusën: ¿Mibitedishunda adembidi tantienquio ique?

Mateo 15:18

Matses onquiaidimbi ana shëcuënuësh choaid caoc. Abi ëquëducuësh chieshëmënec onquec: Adoembi, quequin otacquio tantiaquin icsambuen chuiquin matsesën icsambuen naindac nadquidtedi.

Madcos 7:19

¿Aton tantiate yacnoda pete piaid nidpadic? Padenquio. Pete piaidien pucu yacno budbudec. Adashic iuecpactsëc yash aton dadanouësh puduenuaic. Adquid icnuc pete abitedi bëdambocquid nec, quepanëdash.

Ducas 6:45

Adembidi aton tantiaten bëdambuen tantiaquidën ambi tantiacpadombuen utsi bëdambuen tantiaquin nashumbanendac. Adecbidi ambi tantiacpadec bëdambuec onquec. Adembidi aton tantiaten icsambuen tantiaquidën ambi tantiacpadombuen utsi icsambuen tantiaquin nabanec. Adecbidi ambi icsambuen tantiacpadequi icsambuec onquec, quepanëdash Esus.

Codinto 1 6:13

Adembidi naden chiaid iquec: Pete piaid pucu yacno budtequid nec. Pucu yacno budtequid pete piaid nec, queuapec. Ai, abimbo mimbi caic. Adquid daëd icshobi Nuquin Papan nibëdquio icmendac. Adotequid icnuc mibi bunacpadombuen tantiaquin nabanquin mimbi natemaidi naic chudnanquin natepenquio min dada nec. Padnuen nuquin dada Nuquin Icbona nec. Adquid icnuc Nuquin Icbo nashunec tabadtequid nuquin dada nec.

Santiaco 3:6

Cute nëdënquequidbimbuecquid ana nec. Icsambuen chuibanec onquequin nabanec aton dada icsabudquin utsibo icsamequiendac. Adquid Satanasën namiaid iquec adequi icsate bunec abibi cuidadtequido nendac. Icsambuec chuishumënquid icsambuec tabadquid nendac.