Mateo 15:13 - El Nuevo Testamento en matsés

¹³ Dacuëdenda. Ambi nitsinacmaid cute icsho Cun Pa abuc icquidën chichicshun tsindoshon nëdëncacbimbuen ambi tantiamiabi yaido icquin ambembi chuibanquido icsho Nuquin Papan cuideque.

Mateo 15:13 ပူးပေါင်းရင်းမြစ်များ

Mateo 15:12

Adsho tantiashun abëd icquidobëtan naden chuipondambi: Mimbi aden chuibued tantiashun padiseobon mibi nëishënosh, Icbo. ¿Ada tantie? caquien:

Uanën dada uaid 15:1

Adshumbic Esusën utsi chiacbimbuen naden chuipondash: Uba aton dadan aton cuidi canimequin bëdambo icmiacbimbuecquid nebi. Cun Paen uba isquin taneshcaquidbimbuecquid nec.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.