Mateo 14:22 - El Nuevo Testamento en matsés

²² Adshumbic Esusën ubitedi chuiquin: Tsiuec nidnu. Mibia nidannequin chian potec nid, quepondash. Adoac cano antabëdtoanec chian potec nidnubi abentsëqui tëshëdshun Esusën abi datsidadquidotsen chuiquin: Nidannec nid, quequin nidannemepanëdash.

Mateo 14:22 ပူးပေါင်းရင်းမြစ်များ

Mateo 13:36

Adshumbic matses dadpen tabadsho isash: Nidec nid, cac nidsho isanec nidec Esus shubun puduedpondash. Puduedsho isash aidbëd abëd icquido puduedacsho naden chuipondash: Chieshëmënquidon uasin ëshë icsambo icquid ansecauanaid, quequin mimbi chuibued en cuembo chui. Tantianu, Icbo. ¿Atotsi tantiamenuen mimbi aden chuipo?

Mateo 14:21

Aden peboedo dadatedi tambanac 5midted icpondash. Chidobobëta bacuëbo tambanambo icpondambi.

Mateo 15:39

Adshumbic: Nidannec nid, capondash Esusën ambi pemebuedo chuiquin. Adoac aido nidannebon chian budash cano antabëdtoanec potec nidec nidaid cuëshë utsi Macdada yacno Esus nidpondash.

Hechos 18:5

Adnubien Sidasbëd Timoteo nidaid Masedonia caid yacnouësh choshon isaquien Pabadon shubumpi nacnenenquio icquin: Esus Nuquin Papan Chomiaid Quidistu cashumbic Mesias niondash, quequin isadaidbo tantiamenuen Nuquin Papan Chiaid Bëda chuibampanëdash.