Mateo 13:55 - El Nuevo Testamento en matsés

⁵⁵ quenubien utsibo: ¿Nuqui isacmaidta nedic? Ma aton papa cute chëshshun nacnenquid nepaboc. Aton tita Madia nec. Aton utsibo nëidtedi iquec. Nëidic Santiaco. Nëidic Ose. Nëidic Simon. Nëidic Udas.

Mateo 13:55 ပူးပေါင်းရင်းမြစ်များ

Mateo 27:56

Aidobëd nëidted icpanëdash. Nëidic Madia Macdadena. Nëidic Madia utsi Santiacon tita. Aidi Osen titabidi nepondash. Nëidic Sebedeon chido Uanën tita. Aidi Santiacon titabidi nepondash. Aidtedi uannoshon isbededec tabadpanëdash.

Madcos 15:40

Adnubien ambobi uannoshon isec nëidted chidobo tabadpanëdash. Nëidic Madia Macdadena. Nëidic Madia utsi Osen tita. Aidi Ose tsibanquid Santiacon titabidi nepanëdash. Nëidic Sadome. Aidtedshun Esus ancuenquio diadsho isbededpanëdash.

Madcos 15:47

Aden Esus chococasho Madia Macdadenabëtan Madia utsi Osen titan ispanëdash.

Madcos 6:3

Adnubic utsibo: ¿Madian mado cute chëshshun nacnenquidpenquioda nedic? Ma aton utsibo nëidted nëmbobi icpayoc. Nëidic Santiaco. Utsibic Ose. Utsibic Udas. Utsibic Simon. Adecbidi aton chibi chedo nëmbobidi icquido neuaic, quequin Esus chieshënquin aidën chuibansho tantiate bunenquio iccuededpanëdash.

Ducas 1:27

Ambobi chido dadan bedabicquid Madia cuëmëdquid icpanëdash. Adquid icsho abi bednuequid tsusedpa Dabidën tsiuecquid Ose cuëmëdquid icpanëdash.

Ducas 24:10

Aido nëidtedi nepanëdash. Nëidic Madia Macdadena. Utsibic Uana. Utsibic Madia utsi Uambëtan Santiacon tita. Utsibic chido utsibo. Aidtedi chochoshon Esusën: Ubi chuibenneta, caido chuituidpanëdash.

Ducas 3:23

Adshumbic abi tishaid seta 30ted icquin Nuquin Papan chiacpaden naquin Esusën bedampanëdash. Aden tauaquin chuibansho tantiash aton matses: Nuquin Papan Mado nec, quenquio yec: Osen mado nec, quepanëdash. Esusën tsusedpabo nëidtedi icpanëdash. Osen papa Edi icpanëdash.

Ducas 4:22

Adoaquien: Bëdambuen tantiaquin chuibanquid nec. ¿Mitsipadombuen tantiaquin chuibanec nepeba? quecuededpanëdash. Adec onquec tantiadempambo yec tabadec: ¿Nëmbo tabadquid Osen madopenquioda Esus nedic? quecuededpanëdash.

Ducas 8:20

Adnubi utsin: Titabëd min utsibo chochoshon mibi isnuen umanucshun cainec, quequin Esus chuipanëdash.

Uanën dada uaid 19:25

Adnubien Esus dectanaid cueste napotiaid tayun nëidted icpondash. Nëidic Esusën tita. Nëidic Esusën tita utsi. Nëidic Madia Quedeopasën chido. Nëidic Madia Macdadena. Aidted chidobo icpondash.

Uanën dada uaid 6:42

¿Adquidida nepec? Ma icsambuen chuipayoc. ¿Nuquin Papa yacnouësh choaidta nedic? ¿Nuqui isacmaidta nedic? Ma Esus cuëmëdquid neyoc. Ma Osen mado neyoc. Anitsen tantiembi. Matsesën Tishaid yec ¿Nuquin Papan Chomiaidta nedi?, quecuededpondash.

Uanën dada uaid 9:29

Moisesien Nuquin Papan chuiquin namepampic, quequin tantiembi. ¿Tsuntsin chiac mibi bëdanmequidën napash? Ma mibi bëdanmequid ¿mitsiuëshquio chopash? Umbi tantiacmaidquio neyoc, quequin chushcapanëdash chuiquidon.

Cadasia 1:19

Ambobi Nuquin Icbo Esusën utsi Santiacotsen isondambi. Esusbëd icnëdaid utsibo isambo iccondambi. Aid daëdtsëqui isondambi.

Udas 1:1

Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.