Mateo 13:24 - El Nuevo Testamento en matsés

²⁴ Adshumbic Nuquin Papan namete utsi tantiamenuen Esusën utsi chiacbimbuen padpiden chuibanuapondash. Tantia. Chuinu. Tiedën caniquid pete adosbiecquid icbon seposh.

Mateo 13:24 ပူးပေါင်းရင်းမြစ်များ

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Mateo 13:25

Adanec ushec nidambic inchëshën choshon chieshëmënquidon uasin ëshë icsambocquid daëd uain ansecauamposh.

Mateo 13:31

Adshumbic Nuquin Papan namiacno tabadte tantiamenuen Esusën utsi chiacbimbuen naden chuipondash: Tied icbo mostasa caid ëshëmpi aton tiedën sec nidposh.

Mateo 13:33

Adembidi Esusën utsi chiacbimbuen naden chuiuapondash: Nuquin Papan namiacno tabadte nadquio iquec. Chidon nami uashun cabiunac nua bidisquedoec. Adquiecbidi Umbi Chiaid tantiaquidën chuibanac ubi tantiaquido dadpen yanendac, quequin Esusën chuipondash.

Mateo 13:37

caquien Esusën naden chuipondashi: Pete ëshë bëdambocquid sequidbimbuecquid Matsesën Tishaid nebi.

Mateo 13:47

Adshumbic Esusën Nuquin Papan namete padpiden chuiuaquin utsi chiacbimbuen chuiuapondash. Tantia. Mibi chuinu. Nuëcquid bedshun nibedacbimbuen naindambi. Matsesën nuëcquid bednuen aton nëshaid tapa acte dapa mad caid nëneshun nuëcquid utsi utsien bedquid.

Mateo 18:23

Adashic abi onquec: Nuquin Papan namiacpadombuen matses bëdambuen iste mibitedi chuinu. Tantia. Chuiquid tapan iuabo dadpen icposh. Ma ambi bedaidtedi piucquid ubi meneuanu, quequin tantiaquin aton iuabo aton shubuno chochomeposh.

Mateo 20:1

Adshumbic ubitedi Esusën utsi chiacbimbuen naden chuiuapondash: Tantia. Ubi tantiaquido Nuquin Papan namete mibi chuinu. Badiadnubi tied icbo nidquin piucquid menequin aton tied neshcamenuen matses istuidnuec nidposh.

Mateo 21:33

Adshumbic Esusën: Utsi chiacbimbuen naden chuipondash: Tied Icbon aton tiedën ubauidquio nitsinshun tsicatequin daquënë uashumbic iuecshun sinacsho bedshun ma chinnu, quequin chintequidtsen nacnemposh. Aden nacnenshumbic: Uba ampenushe, queshun isec tsadte shubumpi abucquidtsen shubu uaposh. Aden aid shubu uashic: Nidnu, quequin abi nashunquidotedi chuiquin: Uba dadpen bednun ubi neshcashunquin ista, quequin chianec icbo nidposh.

Mateo 22:2

Nuquin Papan namiacno tabadte tantiamenuen isadaidbon nacpadombuen aton mado: Chido bednu, quesho tantiashun aton papa chuiquid tapa icquin matses dadpen chuiquin: Pec cho, cauidaid mibi chuinu. Tantia.

Mateo 25:1

Adshumbic Esusën utsi chiacbimbuen chuiquin Nuquin Papan namiacnouësh abi chote uëshë tantienquio icte chuipondash: Tantia. Mibitedi chuinu. Chidon dadan bedabicquido 10tedshun: Aton chido bedtanec choquid bëquedtannu, queshun aton tabote bëchin taboadquid icbo icbuen buannuen sanambededposh.

Mateo 3:2

Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Ducas 13:18

Adshumbic Esusën: ¿Nuquin Papan namiacno tabadtequid mitsipadquidbimbuec icpec?

Ducas 13:20

Aden chuishumbic Esusën utsitsen chuiuaic: ¿Nuquin Papan namiacno tabadtequid mitsipadquidbimbuec icpec?

Codosas 1:5

Esuquidistu Nuquin Papa yacno iuedanquid nec, quequin Nuquin Papan Chiaid Bëda chuibanac aid tantiaquido mibitedi yanac. Adquid yanshun: Abi yacno abuc Nuquin Papabëd tabadtequid nebi, quequin chieshtoenquio icquin cainquidombo mibitedi nec.

Petedo 1 1:23

Ambi chiaidquio tantiamequin chucauaido mibitedi nec. Dadan chudac bacuë usundoshon tishac chuca uaid ictiapimbo yec uënëstequid icnuc Nuquin Papan chucauaido mibitedi nec. Aden mibi chuca uaquid Nuquin Papa nibëdantiapimbo icquid icnuc ambi Chiaid adecbidi bënnudtiapimbo iquec.