Mateo 12:28 - El Nuevo Testamento en matsés

²⁸ Nuquin Papan Mayanën nadatiambocquin namiac podobitsi icsa dapuduenmequid iquec ¿ambi Chomiaidquio Nuquin Papan namiacno matses tabadmequid mibitedi yacno ënden choabida ictic? quepondash Esus.

Mateo 12:28 ပူးပေါင်းရင်းမြစ်များ

Mateo 12:18

Nëid Umbi Chomiaid umbi namiaidquio nec. Umbi tantiaidquio nec. Adquid icsho isash cuishonquebi. Cun Mayan aidbëd icmendambi. Adoac nidaid utsi utsiec yacno tabadquidtedi Nuquin Papan matses bëdambuen iste tantiamequin chuibanendac.

Mateo 12:29

Adshumbic naden Esusën chuiuapondash: ¿Mitsipaden dada uidënquiocquidën shubun puduedshun atonatedi ampeshumpatsiash? Shubu icbo dataneshunuidtsëqui atonatedi ampeshuntsiash, quequin Esusën chuipondash.

Mateo 21:31

¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.

Mateo 21:43

Aden ambi Chomiaid chieshënsho isash mibitedi caic Nuquin Papa nadpec: Umbi cun matses caid isadaidbo ubi bëdambuen tantiametiadquidi chuiquid tapabon namenquio icsho issun matses utsibo: Ubi chuibanquid icta, caindambi, quendac Nuquin Papa. Aden ambi tantiamiaidën bëdambuen chuibanac abi tantiaquido dadpen yanendac.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Madcos 1:15

Nuquin Papan chiampicpadquid ambi namiacno iuedanquid nëmbobi iqueque. Mimbi icsambuen naid ënshun Chiaid Bëda tantiash bëdambuec tabadta, quequin Esusën chuibampanëdash.

Madcos 11:10

Nëid nuquin Chuiquid Tapa icnuec choec nuquin tsusedpa Dabid chuiquid tapa icacpadec. Abi chomequid Nuquin Papa bëdamboshë iquec. Adeduya, quec cuëdëncuededpanëdash Esusbëd nidquido.

Madcos 16:17

Abi tantiaquid utsi utsien Nuquin Papan nadatiambocquin nabanquid icmendac. Adquid icmiaidën umbi nabanondacpadombuen podobitsi icsa dapuduedaid icsho dapuduenmendac. Adembidi utsibon onquete tantienquio icbuedëmbi abi uëshëmbi tantiashun umbi naid chuibanendac.

Ducas 10:11

Nuquin Papan namiacno iuedanquid nëmbobi iquec, quequin mibitedi chuinuec chouidobi. Umbi chuisho tantiate bunesa mibitedi icsho isash mibi yacno capuec ubi tabitacquebued nidaid putu tabesquenu. Is. Mibitedi cuidtequido nendac, quequin ismeta, capanëdash Esusën.

Ducas 11:20

Nuquin Papan nadatiambocquin namiac podobitsi icsa dapuduenmequid yec ¿ambi Chomiaidquio Nuquin Papan namiacno matses tabadmequid mibitedi yacno ënden choabida ictic? quepanëdash Esus.

Ducas 16:16

Adembidi acten mentoanquid Uan tishabicnuc Nuquin Papan: Naden nata, quequin chiaid Moisesën dada uampidbëta Nuquin Papan oncamiaidon dada uampid mimbi ënden tantiondaid nec. Nuquin Papan namiacno tabadte iquec, quequin Chiaid Bëda umbi chuibansho tantiash ubi tantienquio yequi dadpen ambo puduedte bunquiec.

Ducas 9:2

Nëbi mibitedi nidmembi. Adoac nidshun: Nuquin Papan namiacno tabadte iquec, quequin chuibennequimbi nënquidobëta daicsaido bëdanmebenneta.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Codosas 1:13

Ënden Mayan Icsa Satanasën iuaquin namiaido yec inchëshquio yacno tabadacbimbuec tabadsho Nuquin Papan nuqui mënchicpondash. Aden mënchicshun ambi tantiaidquio aton Mado Esuquidistun namiaido nuqui icmiondash.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.