Mateo 12:23 - El Nuevo Testamento en matsés

²³ Adsho isashien Esus datsidadquido tantiadempambo yec tabadec: ¿Nuquin tsusedpa Dabidën Mado choendac, canëdaidta nepec? quecuededpondash.

Mateo 12:23 ပူးပေါင်းရင်းမြစ်များ

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 21:9

Matses dadpen bëyuc nidnubi aidtedbidi tsiuec chochopondash. Adec nidannec abitedi nadec cuëdënnidpondash: Adeduya. Cun tsusedpa Dabidën Mado yec mibi bëdamboshë iquec. Mibi chomequid Nuquin Papatsen abitedishun icbo bëdamboshë iquec. Adeduya, quec cuëdëncuededpondash.

Mateo 7:28

Aden ënquin chuibansho tantiash tantiadempambo yec tabadec: Tantiaquidënquio chuibanacpadombuembien Esusën chuibampec. Ma Moisesën chiampid tantiamequidon adombuen chuibanenquio icpaboc, quecuededpanëdash matses dadpenquio.

Mateo 9:27

Auëshquio puduanec nidshobien bëshuaid daëdshun tsibambanquin cumapenec cuëdquin Esus naden chuipondash: Dabidën Mado icquin ubi daëdi bëdambuen tantiaquin ubi bëdanme, quequin cuëmpondash.

Mateo 9:33

Bësho issun Esusën podobitsi icsa dapuduedaid cuenmeshunquin bëdanmiac onquiampondash. Aden bëdanmesho isash tantiadempambo yec tabadec: Nuquin nidaid Isadaidënshun adoenquio ictennec, quecuededpondash.

Uanën dada uaid 4:29

Isec cho. Umbi isacmaidëmbi dadan umbi naid abitedi chioshe. ¿Nuquin Papan Chomiaid Quidistu Mesias caidta nioshe? En isec cho, quequin chuituidac: