Mateo 12:18 - El Nuevo Testamento en matsés

¹⁸ Nëid Umbi Chomiaid umbi namiaidquio nec. Umbi tantiaidquio nec. Adquid icsho isash cuishonquebi. Cun Mayan aidbëd icmendambi. Adoac nidaid utsi utsiec yacno tabadquidtedi Nuquin Papan matses bëdambuen iste tantiamequin chuibanendac.

Mateo 12:18 ပူးပေါင်းရင်းမြစ်များ

Mateo 12:17

Aden Esusën nate chuiquin Nuquin Papan oncamiaid Isayasën naden chuiquin dada uapampic:

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Madcos 1:11

Adnubien abucuësh nadec onquepanëdash: Mibiuidtsëqui cun Madombo icsho umbi bëdambuen isquin umbi tantiaidquio mibi nec, quepanëdash.

Madcos 9:7

Adec tabadshobien abu ushu choquin bëtimpanëdash. Aden bëtinacnouëshquiobi naden chiec onquiampanëdash: Nëid Umbi tantiaidquio yec cun Madombo neque. Aidën chuisho bëdambuen tantiata, quec onquepanëdash Nuquin Papa.

Ducas 23:35

Adnubien matses dadpen isec tabadnubi isadaidbon chuiquido isec tabaduaquin icsambuen chuishunquin mamënshumbededec: Utsi utsien bëdanmequidquio yec abibi budsho isnu. Adsho issun Nuquin Papan Chomiaidquio Quidistu ambi tantiaidquio nec, catsiambi, quec onquecuededpanëdash.

Ducas 3:22

oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.

Ducas 4:18

Nuquin Icbon Mayanën namiaidquio nebi. Aidëmbi: Nuquin Papana nec, caidquio nebi. Aidën: Atona nibëdquido Chiaid Bëda chuibanta, caidquio nebi. Quënën tsadunaido ambi icsambuen naid ënmenuen chuibanta, caidquio nebi. Bëshuaid bëdanmeta, caidquiobidi nebi. Aidëmbidi: Mayan Icsa Satanasën iuaid icsho Nuquin Papan iua icmenu, quequin chuibanta, caidquio nebi.

Ducas 9:35

Adnubien abu ushu yacnouësh onquec: Nëid Cun Madombo umbi Chomiaidquio Quidistu neque. Aidën chuisho bëdambuen tantiata, quepanëdash.

Uanën dada uaid 3:34

Nuquin Papan Chomiaidquio icquin Aidën Chiaidquio chuibanec. Nuquin Papan aton Mayan abëd tabadmiaid icquin nadatiambocquin nabanquin abimbo chuibanec.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 14:27

Ambo choash tabadquin ambo icquid Esus tantiaquidobëd iccuededquin Nuquin Papan tantiamiacpaden abi capucuenniacnoshon ambi nabanaidtedi Pabadobëtan Bednaben chuibampanëdash. Isadaidpembo dadpen Esus tantiaquid yamposh, quequin chuibampanëdash.

Epeso 1:6

Aden tantianquid icquin: Ma ubi ënenquio icquin: Bëdambocquid nec, canu, queshun Nuquin Papan aton Mado ambi tantiaidquio Esuquidistu nuquitedi tantiamiac. Adoac Esus tantiaquido yec nuqui abëd tabadtequido nec.

Codosas 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Esuquidistu tantiaquid icsho nuqui cun utsi caid Timoteo ubëd iquec.

Codosas 1:13

Ënden Mayan Icsa Satanasën iuaquin namiaido yec inchëshquio yacno tabadacbimbuec tabadsho Nuquin Papan nuqui mënchicpondash. Aden mënchicshun ambi tantiaidquio aton Mado Esuquidistun namiaido nuqui icmiondash.

Petedo 1 2:4

Shubu uanun buintad istuidash: Nëid bëdambo iqueque. Nëidquio nitsinembi, quiacbimbuen Nuquin Icbo uënëstiapimbocquid icsho tantiata. Adotiadquidi matses dadpenshunquio chieshëmpondash. Aidi Nuquin Papan tantiaidquio yec bëdamboshëcquidquio chopaccondash.

Petedo 2 1:17

Nadquio icpondash. Macuësh tapan dectatoash Esus bëchamauanquiec yampondash. Adnubien bëchamauanquiec yacnouësh nadec Nuquin Papa onquesho tantiapondambi: Nëidquio Umbi tantiaidquio yec Umbi namiaidquio Cun Madombo nec. Aid isec bëdambo iquebi, quec auëshquio onquesho ubitedishun tantiapondambi.