Mateo 12:14 - El Nuevo Testamento en matsés

¹⁴ Aden bëdanmesho isashien padiseobo nëishquiopanëdash. Adec nëishanec nidanniash aton matses utsibobëd onquecuededec: ¿Mitsi padombuen Esus cuessunnemenuen bedmetiad? quecuededpanëdash.

Mateo 12:14 ပူးပေါင်းရင်းမြစ်များ

Mateo 26:4

Adashic: Nëbien utsibo ismenquio icquin Esus bedmeshun uënës uametiadpa, quenubien utsibo:

Mateo 27:1

Adnubien Nuquin Papa ismequin nëish iua cuessunneshun pichicaquidon chuiquidobëd isadaidbo tsësiobobëdi Esus isec tabadec ushenquio yec badiadbudpanëdash. Adec badiadbudshun Esus chieshënquin: Ma Esus uënës uamenu. Buanec nidnunid, queshun

Madcos 14:1

Daëdec ushshun cun tsusedpabon: Ma cun mado uënësmenquio icnu, queshun obeca caniactsëc cuessunneshun piampidbëta pan bidiscabicquid buanampid tantiaquin obeca caniactsëc pec tabadte yampanëdash. Adnubien Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido: ¿Mitsipaden utsibo ismenquio icquin Esus bedmeshun uënës uametiad? quequin tantiec tabadcuededpanëdash.

Madcos 3:6

Adosho isash puduenanec nidquin Edodesbëd icquido padiseobon badedquio istuidpanëdash. Aido istuidash: Esus uënës uate mibi bunacpadquiecbidi bunebi. ¿Mitsi padombuen uënës uamenuen Esus bedmetiad? quecuededpanëdash padiseobo.

Ducas 22:2

Aid uëshë choabicnuc Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido iccuededtednequin: ¿Mitsipaden utsibo ismenquio icquin Esus bedmeshun uënës uametiad? quequin tantiec tabadpanëdash. Aden tantiaquimbi Esusën chuibansho tantiec matses dadpen icsho isash dacuëdquin Esus bedmenquio icpanëdash.

Ducas 6:11

Aden mëicsaid bëdanmesho isashien cumapenec nëishcuededash: ¿Mitsipadombuen Esus bedmetiad? quequin tantiec padiseobobëd Moisesën chiampid tantiamequido onquecuededpanëdash.

Uanën dada uaid 10:31

Adsho tantiashun cun matses isadaidbon chuiquidon nëishtanquin cuënote bedshun Esus sesetiadquio icuapondash.

Uanën dada uaid 10:39

Adsho tantiash padpidec chieshtotanquin cun matsesën chuiquidon: Quënën tsadunmenun bedchitono, caqui bedadenquio yec Esus cuempondash.

Uanën dada uaid 11:53

Aden Caipasën Esus cuessunnemete chuisho tantiashien cun matses chuiquido: Esusien cuessunnemetiad, quecuededpanëdash.

Uanën dada uaid 5:18

Adsho tantiatanequien: Chonoadtemaid uëshën naquid icsambo iquec, nuqui cabued: Nuquin Papa cun Pambo nec, quiosh. Aden chiec icsamboshë iquec. Nuquin Papapadquidquio nebi, quechitequien nioshe. Uënës uaquimbien ictiad, quepanëdash cun matses isadaidbon chuiquido.

Uanën dada uaid 7:30

Adsho tantiashun: Nuquin Papa caic Cun Pa nec, quechitequien nec, queshun abi chieshënquidon: Uënës uamenuembien bedtiad, queshumbi abi uënës uamete uëshë yanabi icnuc Esus bedenquio icpondash.

Uanën dada uaid 7:32

Aden Esusën naid chiec shoshoshquetsëcquiec onquesho tantiashumbien padiseobon Nuquin Papa ismequin nëish iua cuessunneshun pichicaquidon chuiquidobëtan naden chuipanëdash: Esusien bedmetiad. Icsambuec onquioshe, cac: Ai, adembien ictiad, queshun aidon Nuquin Papa tabadte shubu dapa isquido sondado chuiquin: Baded bedtan, quequin nidmepanëdash.

Uanën dada uaid 7:44

Adnubien: Icsambocquid neque. Quënën tsadunnumbien bedtiad, queshumbi Esus bedenquio icpondash.

Uanën dada uaid 8:59

Adsho tantiash nëishtanequien cun matses isadaidbo: ¿Icsambuenda chuipec? ¿Nuquin Papada Mua uapec? quetanquin cuënote bedtanquin: Sesenu, caqui matses dadpen icnuc aid natsusash ompodanec Nuquin Papa tabadte shubu yacnouësh Esus cuenec nidpondash.