Mateo 11:6 - El Nuevo Testamento en matsés

⁶ Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin chiec nid, cac nidannepondash Uambëd icquido.

Mateo 11:6 ပူးပေါင်းရင်းမြစ်များ

Mateo 13:21

Adsho: Nuquin Papa tantiaquid nec, queshun utsibon chieshënac pete ëshë dëyuquec tapunuidtsashi uënësacbimbuen badedi chieshtoshon Nuquin Papan Chiaid tantienquio yanendac. Adembidi chieshtomiantequid utsi utsiec icnuc Nuquin Papa tantienquio yanuaindac.

Mateo 18:7

Aden ubi tantiactsëcquido utsibon icsambuen namiac icsamboshë iquendac. Ai, adquid iquendac. Adec icsambuen namianquid icsho Nuquin Papan cuidquiendac.

Mateo 24:10

Adoac ubi tantiaquido icbuedombi chieshtoshon ubi tantienquio yanendac. Adshun ubi tantiaquid ompodacsho bedmeshun mëyanmendac. Adec dadpen chieshëmëdendac.

Mateo 26:31

Ambo nidash tabadquimbi Esusën naden ubitedi chuipondash: Nëid inchëshëmbi Nuquin Papan chiampicpadec ubi nianec mibitedi niquendac. Nuquin Papan Chiampid nad iquec: Icbo cuessunnesho istanec ambi iuaid obeca niquendac, quequin chuipampic.

Mateo 5:29

Min ëshën isquin mimbi icsambuen naic. Ëshë chicshun uannombo neshunac istiapimbo yacbimbuen mimbi icsambuen naid ënta. Ënenquio icquid Nuquin Papan chian annëdënquiacno nësecaquin cuidtequid nendac.

Madcos 6:3

Adnubic utsibo: ¿Madian mado cute chëshshun nacnenquidpenquioda nedic? Ma aton utsibo nëidted nëmbobi icpayoc. Nëidic Santiaco. Utsibic Ose. Utsibic Udas. Utsibic Simon. Adecbidi aton chibi chedo nëmbobidi icquido neuaic, quequin Esus chieshënquin aidën chuibansho tantiate bunenquio iccuededpanëdash.

Ducas 2:34

Aden chuishumbic Madia chiec Simeon: Tantia. Chuinu. Nuquin Papan bëdambo icmiaid mibi nec. Min mado tantiesa isadaidbo utsi utsiec icsho Nuquin Papan cuidendac. Min mado tantiaquid utsi utsiec icsho Nuquin Papan abi yacno iuedendac. Min mado Nuquin Papa yacno puduedmianquid nec, quesho tantiashun matses dadpenshun icsambuen chuishunquin chieshënendac.

Ducas 7:23

Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin Uan chiec nid, quepanëdash Esus Uambëd icquido chiec.

Uanën dada uaid 16:1

Chieshtoshon ubi tantienquio yannushe, queshun mibi aden chiombique. Chieshënac chieshtoenda.

Uanën dada uaid 6:66

Adsho tantiashun abi tsibanquid dadpenshun Esus niampondash.

Codinto 1 2:14

Nuquin Papan abipadquid aton Mayan meniacmaid icquin: Aidën chiaid abimbo caic, quequin tantiatiapimbo iquec. Aden tantiatiapimbo yec: Ambembi chiec onquequid nec, quepec. Aden Nuquin Papa tantiesabo icquin Nuquin Papan Mayanën chiaid tantienquio icquido nec.

Cadasia 5:11

Cun utsibo, umbi aidon chiacpaden: Shui dëbid dëtemiaiduidtsëqui Nuquin Papan bëdambuen istsiashe. Dëtemeta, quequin chuiquin Esus chuibanenquio icsho isadaidbon chieshënenquio ictsenoshi. Abi tantiaquid cuidmenquio icnuec cueste napotiaidën diadec Esuquidistu uënëspanëdash, quequin chuibansho mabi chieshëmpaboc.

Petedo 1 2:8

Adembidi naden chuiquin dada uamiampid iquec: Cute mabud iquec, quequin tantienquio yec nidec tocoshquetanec uebudendac, quequin Nuquin Papan dada uamepampic. Aido tocoshquetanec uebudacbimbuen Nuquin Papan Chiaid tantienquio yec cuidadtequid iquec abibi chian annëdënquiacno nidendac.