Mateo 11:29 - El Nuevo Testamento en matsés

²⁹ Cun Icbo ubi cata. Cun iuambo icquin umbi chiacpadombuen nasho mibi bëdambuen isquin dayacquiocquid icmembi. Adquid icquin mibi ancaisambo nebique. Cun Icbo ubi cata. Adsho mibi bëdambo icmendambi.

Mateo 11:29 ပူးပေါင်းရင်းမြစ်များ

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Mateo 21:5

Shubu dadpen icquid Sion caidën tabadquido chui. Min chuiquid tapa cabachubitsecquid iuëmbocquid buanmetequidën bacuë caniactsëc catsadec choeque. Is. Ancanenquio yec bëdamboshë icquidquio neque. Is, quequin chui, quequin dada uapampic.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Mateo 7:24

Adshumbic Esusën padpiden naden chuipanëdash: Umbi chuibambued tantiashun umbi chiacpadombuen nata. Aden nabanquid yec shubu uaquin bëdambuen tantiaquidbimbuec mibi ictsiaque. Tantia. Chuinu. Bëdambuen tantiaquidënquio mannanënquio buintad tabëcshun shubu uaquid nendac.

Ducas 8:35

Adoac ambocquido: Istannu, quianec Esus yacno chochopanëdash. Adec chochoshon podobitsi icsa dapuduenmequin bëdanmiaid dashcute dasiuidash bëdambuen tantiabenash Esusën dayun tsadec onquesho istuidpanëdash. Adsho isash: Uinsadpambo iquec, quiash dacuëdcuededpanëdash.

Uanën dada uaid 13:15

Umbi nabocpadombuen: Ma nanu, queshun mibitedi ismiombique. Mimbitsen nata.

Uanën dada uaid 13:17

Umbi aden chuibued tantiaquin nabansho Nuquin Papan mibi bëdambo icmendac, quepondash Esus.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Codinto 1 9:21

Adecbidi matses utsibo Moisesën chiampid tantiaquin nainquio icquido chuibannuec nidash aido tabadacpadec tabadobi, Ma aidotsen Esus tantiaquido yannu, quiash. Nuquin Papan Chiampid niaquenquiocquimbi Esuquidistun chuinëdaid tantiaquin nabanquidquio nebi.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 2 10:5

Mayan Icsa Satanasën tantiamiaidon Nuquin Papan Chiaid tantiate bunenquio icquin niac niaquec. Utsibo: Nuquin Papa caid nibëdec, quenubi: Umbi tantiacpaden naic bëdambo iquebi, quequin tantiec. Aden tantiaquido icsho issun ambi icsambuen tantiaid ënmenu, quequin Nuquin Papa nadatiambocquidën bëdambuen tantiamiac umbi Esuquidistu chuibansho tantiashun Esus tantiesabon aidën chiacpadombuen natiadquio yanendac.

Pidipos 2:5

Esuquidistubëd daëdash abentsëc yacbimbuec tabadquid icquin aidën nanëdacpadombuen naic mibitedi bëdambo ictsiac.

Tesadonica 1 4:2

Nuquin Icbo Esusën tantiamiac aid tantiata, quequin mimbi nabante mibitedi chuibanondambique. Aid tantiaquiec bëdambuec tabadta.

Tesadonica 2 1:8

Icsambuen naisambo yec matses cuidquidquio nebi, quec choshon Nuquin Papa tantiesabo cuidendac. Nuquin Icbo Esus tantiasho Nuquin Papan mibi bëdambuen istsiash, quequin chuibanac aid tantiesabotsen Esusën cuidendac.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Uan 1 2:6

Aden: Nuquin Papa tantiaquiec aidbëd abentsëc yacbimbuec tabadquid nebi, quequin tantiec Esuquidistu tabadondacpadquiec tabadquid nendac.