Mateo 11:2 - El Nuevo Testamento en matsés

² Adnubien Uan acten mentoanquid quënën tsadunmiac tsadquimbi Esusën nabanaid chuisho tantiapanëdash. Adshun abëd icquido chuiquin: Esus chuitan, quequin nidmiac chochoshon Uambëd icquidon naden Esus chuituidpanëdash:

Mateo 11:2 ပူးပေါင်းရင်းမြစ်များ

Mateo 1:17

Aidtedi Esusën tsusedpabo icpampic. Abadauan bedanquin aidën tsiuecquido 14tedi chuiquin Dabid ënquin chiombi. Adoshombic Dabid ënquin chuibued aidbidi chuiuaquin padpiden bedanquin aidën matses tsiuecquido 14tedbidi chuiquin Econias buchibobëta Babidonia yacno buanaid ënquin chiombi. Adoshombic Econias ënquin chuibued aidbidi chuiuaquin padpiden bedanquin aidën tsiuecquido aton matses 14tedbidi chuiquin Esusquiobi ënquin chiombi.

Mateo 14:3

Naden Edodes Antipasën Uan cuessunnemepanëdash. Uanën: Mimbi bedaid Edodias min chidopenquio nec. Min utsi Uedipon chidobi bedquin Nuquin Papan Chiaid niacquin mimbi icsambuen nac, quequin chiac chieshënquin Edodesën Uan bedmeshun quënën tsadunmepanëdash.

Mateo 4:12

Adashic: Mibi acten mentondaid Uan bedmeshun quënën tsadunmiac caosh, quesho tantiash aton nidaid Cadidea yacno Esus nidpanëdash.

Mateo 9:14

Adnubien Uan acten mentoanquidbëd icquidon choshon Esus naden chuituidpondash: Nuquin tsusedpabon nacpadombuen buna mëmunquido nebi. Adembidi naquido padiseobo nec. ¿Atotsi queshun mibëd icquidon adembidi nainquio icpec? caquien

Madcos 6:17

Ënden aidëmbi Uan bedmeshun shocosh bucu nacnenaidën tanemeshun quënën tsadunmepanëdash. Aidëmbi aton utsi Uedipon chido Edodias bedacsho issun Uanën:

Ducas 3:19

Adshumbic Uanën chuiquid tapa Edodes Antipas ambi icsambuen naid naden chuishumpanëdash: Min utsi Uedipon chidobi Edodias bedquin mimbi icsambuen naidbëta mimbi icsambuen naid utsitedi ënta, capanëdash.

Ducas 9:7

Adnubien chuiquid tapa Edodes Antipasën Esusën nabansho isquidon chuisho tantiapanëdash. Aden tantiashun: ¿Tsutsi nepash? Edodesën caquien: Acten mentoandenned Uan uincuempash icnui, utsi utsiec quenubi

Uanën dada uaid 4:1

Adnubien cun matsesën chuiquido padiseobon: Uan acten mentoanquidën naid dëniacquin Esusën abi tsibanquid dadpen icsho acten mentobanosh, quequin chuisho tantiapanëdash.