Mateo 11:18 - El Nuevo Testamento en matsés

¹⁸ Uan acten mentoanquid pete utsi utsien pesa niondash. Adecbidi acte paë uaid aquesambo niondash. Adquid icsho isash: Podobitsi icsa dapuduedashien nechitec, ma mibitedi quepondac.

Mateo 11:18 ပူးပေါင်းရင်းမြစ်များ

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 11:17

Bacuë abentsëcshun: Umbi shoncanuc shëcshëcquec bidiadtanneta, cac ma mibi shëcshëcquec bidiadtannenquio icboc. Adecbidi cuëdënte uënësquiocquid ubi cuëdënnubi ma mibi shubienquio icboc, quiash bacuëbo cuëdnanec nëishnanacbitsëcquiec ma mibitedi icpayoc.

Mateo 3:4

Nadquid Uan nepanëdash. Aton dashcute nëish iua dapa camecho caidën bu daëdcaid dasiuidpanëdash. Tsipantebic nëish iua bitsi nacnenaid tsiupanëdash. Aton pete bacumbëd capishtobiecquid icpanëdash.

Mateo 9:34

Adnubien padiseobo: Podobitsi icsabon icbon namiaid icquimbien Esusën podobitsi icsa dapuduenmequin nachitec, quecuededpondash Esus caic.

Madcos 3:22

Adecbidi Moisesën chiampid tantiamequido Edusaden yacnouësh choshon Esusën podobitsi icsa dapuduedaid dapuduenmesho isbuedo nadec onquepanëdash: Podobitsi icsan icbo Bedsebu caidën namiaid icquimbien Esusën podobitsi icsa dapuduenmequin nachitec, quepanëdash.

Ducas 1:15

Min mado Nuquin Papan bëdambuen isaidquio iquendac. Acte paë uaid min madon aquenquio icquin isuidendac. Aid tishabicshobi Nuquin Papan aton Mayan Bëda meniaidquio min mado iquendac.

Uanën dada uaid 10:20

Aido dadpen: Mayan Icsa Satanasën iua podobitsi icsa dapuduedash tantienquio yec onquequid nec. ¿Atotsi quequin aid tantiashune? quenubien

Uanën dada uaid 7:20

Adsho tantiashumbien ambo tabadquidon: Mayan Icsa Satanasën iua podobitsi icsa dapuduedashien mibi adec onquec nec. ¿Tsutsi mibi cuessunnete bumpec? capondash.

Uanën dada uaid 8:48

Aden Esusën chuisho tantiashumbien cun matses isadaidbon chuiquidon naden chuipondash: Ma mibi Mayan Icsa Satanasën iua dapuduedash neyoc. Samadia yacnocquidobimbuec icsamboshë ma mibi iqueyoc, quequin ubitedishun abimbo caimbi, capondash.

Uanën dada uaid 8:52

Adsho tantiashun isadaidbon chuiquidon naden chuiuapondash: Nëbi Mayan Icsa Satanasën iua dapuduedash mibi nec, quequin abimbobi tantiaquiembi. Umbi chiacpadombuen naquid uënësenquio ictsiash, quequimbien mimbi chuipec. Adquid icnubi Nuquin tsusedpa Abadauan yec Nuquin Papan oncamiaido yec quequidtedi uënësbudnepampic.

Hechos 26:24

Adec Pabado onquesho tantiashien cumapenec cuëdec: Min tantiate icsabudash tantienquio yanec mibi adec onquec. Mimbi tantiaid dadpen icnuc tantiadenash onquechitequien mibi nec, quepanëdash Uesto Pabado caic.

Codinto 1 9:27

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.