Mateo 10:40 - El Nuevo Testamento en matsés

⁴⁰ Adshumbic Esusën ubitedi padpiden naden chuipondash: Mibi bëdambuen isquidën ubi bëdambuen isendac. Ubi bëdambuen isquidën ubi chomequidtsen bëdambuen isendac.

Mateo 10:40 ပူးပေါင်းရင်းမြစ်များ

Mateo 18:5

Ubi tantiaquid icquin nadquid bacuë nashunquin ubi iuedquin nashunacbimbuecquid nendac, quepondash Esus.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Mateo 25:45

Adoac naden chiendambi: Atona nibëdquido nashunenquio icquin ubibi nashunenquio yacbimbuen umbi chiacpadombuen naisabo mibitedi neque. Nuquin Papan icsaido cuidacno nid, caindambi.

Madcos 9:37

Esus tantiaquid nebi, queshun nadquid bacuë nashunquin ubi nashunacbimbuecquid nendac. Adquidën ubiuidi nashunenquiocquin ubi chomequid Nuquin Papa nashunuacbimbuecquid neuaindac, quepanëdash Esus abëd icquido chiec.

Ducas 10:16

Aden chuishumbic ambi: Chuibennec nid, caido chiec: Mibitedishun chuibansho tantiaquido yec ubi tantiaquido nendac. Utsiboen mimbi chiaid tantiesabo yec ubi tantiesabo nendac. Aden ubi tantiesabo icquin ubi chomequid Nuquin Papa tantiesabotsen nendac, quequin Esusën chuipanëdash.

Ducas 9:48

Ubi tantiaquin nadquid bacuë nashunquin ubi iuedquin nashunacbimbuecquid nendac. Ubi iuedquin nashunquidën ubi chomiondaid Nuquin Papa nashunuacbimbuecquid neuaindac. Nidaidënuësh utsi nashunquidquio icbuedi aidquiobi abi yacnoshon Nuquin Papan: Chuiquid tapa icta, caindac, quepanëdash Esus abëd icquido chiec.

Uanën dada uaid 13:20

Tantia. Mibitedi abimbo chuinu. Mibi padquid umbi nidmiaidën umbi naid chuibansho tantiash: Ai, abimbo caic, queshun ubi tantiabenquimbi ubi chomequidtsen tantiabenendac, quepondash Esus.

Uanën dada uaid 20:21

Adsho istanequien ambi chuibocpadecbidi: Dacuëdenda, quetanec: Tantia. Mibitedi chuinu. Cun Pan: Matses chiec nid, quequin ubi chomiondacpadombuembidi: Ubi chuibennetan, quequin mibitedi nidmendambi, quepondash Esus.

Uanën dada uaid 5:23

Adquid icnuc: Matsesën: Nuquin Papa bëdambo iquec, quequin ubi tantiaquin ma cun Madotsen bëdambuen tantianu, queshun aden matses cuidte chuiquid icmiondashi. Ubi adquid icmiondaid icsho ubi tantienquio icquidon ubi chomiondaid Cun Patsen tantienquio iquec.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Cadasia 4:14

Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Uan 2 1:9

Ambibi tantiaid natsusuaquin Esuquidistun chuibanondaidquio chienquiocquid Nuquin Papa tantiesabo nec. Padnuen Esuquidistun chiaidquio chuibansho tantiashun ënenquio icquin tantiaquid Nuquin Papabëta aton Mado Esus tantiaquidquio nendac.