Mateo 10:11 - El Nuevo Testamento en matsés

¹¹ Aden chuibennec shubu daëdpactsëc icquid yacno adecbidi shubu dadpen icquid yacno nidshun matses bëdambocquid istuidta. Istuidshun: ¿Ada ubi min shubun ushmetsia? mimbi cac: Ai, quesho tantiash aidën shubun ushta. Auëshquio nidabi yec aidën shubunuidtsëqui ushta.

Mateo 10:11 ပူးပေါင်းရင်းမြစ်များ

Mateo 10:10

Adembidi pete sandoshon buanenda. Dashcute utsibëta tapucudte utsi sandoshon buanenda. Mibi uidënte cueste buanenda. Adec mëdadauidquio chosho issun mimbi chuibanaidon: Mibi bëdambo iqueque. Ubi yacno ushquin pec cho, mibi cac bëdambo ictsiash. Adembidi: Mitsana nibëdsho issun: Mibi menenu, cac bëdambo ictsiash.

Mateo 10:12

Aidën shubun puduedshun: Mibi isnuec chobi, cata. Adoshombic: Nëid shubun icquido ma Nuquin Papan bëdambo icmepanuna, quequin aido bëdambuen ista.

Madcos 6:10

Shubu dadpen yacno nidash mibi iuedquidën shubun puduedash ambouidi ushquin chuibanta. Auëshquio nidabi yec aidën shubunuidtsëqui icquin chuibanta.

Ducas 19:7

Adec puduedsho isash Esus icsambuen chuishunec tsibanquidotedi: Icsambo icquidën shubun Esus puduedosh, quecuededpanëdash.

Ducas 9:4

Adec nidash mibi iuedquidën shubun puduedshun umbi chiacpadombuen nabanec auëshquio nidabi yec ambouidi tabadta.

Hechos 16:15

Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.