Mateo 10:1 - El Nuevo Testamento en matsés

¹ Adshumbic Esusën abëd icquido 12tedi chomeshun naden chuipondash: Umbi namiaid icquin umbi nabocpadombuembidi podobitsi icsa matses dapuduedaid icsho mimbi cuenmendac. Adembidi daicsaidobëta nënquidotedi mimbi bëdanmendac, quequin ubitedi chuipondash.

Mateo 10:1 ပူးပေါင်းရင်းမြစ်များ

Mateo 19:28

Adoaquien Esusën: Tantia. Mibi abimbo chuinu. Nuquin Papan ambi uaid abitedi chuca uacnouëshquio Matsesën Tishaid yequi chuiquid tapan tsadte dapa bëdamboshëcquidën tsadquin umbi abitedi namiacnouëshquio ubëd icquido icsho issun Nuquin Papan mibitedi matses namequid icmendac. Abuc tsadte dapa 12ted icquidën tsadquin mibitedishun namendac. Nuquin tsusedpa Acobon mado 12tedi icpampic. Aidtedshun tsiuecquidon tsiuecquidonquien isadaidbo chuiquid tapabo 12tedquiobidi mibitedi iquendac.

Mateo 26:20

Aid inchëshbudtsëqui abëd icquidobëd choash tabadquin Esusën pepondash.

Mateo 26:47

Aden chuinubien Esusbëd icbued Udasbëd matses dadpen chochopondash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopondash. Nuquin Papa ismequin nëish iua cuessunneshun pichicaquidon chuiquidobëtan cun matses tsësiobon: Bedtan, cac chochopondash.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Mateo 9:35

Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Mateo 9:38

Naden Nuquin Papa chianneta: Matses dadpenshunquio mimbi bëdambuen iste tantiabi iqueque. Ma tantiabennu, Mimbi Chiaid Bëda chuibanquido dadpen icmeta, Papa, quequin chianneta, quequin Esusën chuipondash.

Ducas 10:19

Umbi nadatiambocquin nabanquid mibitedi icmebanombi. Adquid icmiac nisibëta chichun tincac mibi icsa uatiapimbo iquendac. Adembidi Mayan Icsa Satanasën namiaidon mibi chieshënquin icsa uatiapimbo iquendac.

Ducas 21:15

Umbi tantiamiacpadombuen mimbi bëdambuen chuibanendac. Adoac: Icsambocquid mibi nec, quetiapimbo yec mibi chieshënquido tabadendac.

Ducas 24:49

Aden chuibantequid icnuc ubi tantiaquido icsho: Cun Pan mibitedi: Menenu, caid aton Mayan Bëda chomendambi. Aidi mibitedi nadatiambocquin nabanmequid abucuësh choeque. Aid mibitedi meniabicnuc Edusaden yacnobi tabadquin aidi cainta, capanëdash Esusën.

Ducas 6:13

Badiadshun abi tsibanquidotedi chomeshun: Nëido ubëd icquidombo nec, quequin 12tedtsëqui chuipanëdash. Adoshon: Ubi chuibenneta, caido nec, quequin cuëmpanëdash.

Uanën dada uaid 17:2

Mimbi icmiacpadec abitedishun Icbo icquin mimbi ubi tantiamiaidotedi matses nuquibëd ënëdenquio yec tabadtequido icmendambi, Papa.

Uanën dada uaid 3:27

caquien Uanën: Nuquin Papan namiabicquidën aden natiapimbo iquec.

Uanën dada uaid 3:35

Ambi tantiaidquio icsho Nuquin Papan Aton Mado abentsëcquiobi abitedishun Icbombo icmiac.

Uanën dada uaid 6:70

Adoaquien Esus: Ai, mibitedi: Nuquibi icnu. Cho, cabampondambi. Umbi adondaid icnubi abentsëc Mayan Icsa Satanasën namiaidquio yec icsamboshëcquid iquec, quepondash.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Hechos 19:15

Aidon aden padpiden chiaquien podobitsi icsan: Esus umbi isaid nec. Pabado umbi isaidbidi nec. ¿Adquid icnuc tsutsi mibitedi ne?

Esusën Uan ismiaid 12:1

Adoshombic abuc ismiantequid utsitsen dacuëdampambocquid ismeuaposhi. Adoac chido uëshë dasiuidacbimbuec bëchamauanquiecsho ispombi. Inchëshën uëshë tincash tsadposh. Uispa 12ted tabëcquin nacnenaid mauete maueposh.