Madcos 9:7 - El Nuevo Testamento en matsés

⁷ Adec tabadshobien abu ushu choquin bëtimpanëdash. Aden bëtinacnouëshquiobi naden chiec onquiampanëdash: Nëid Umbi tantiaidquio yec cun Madombo neque. Aidën chuisho bëdambuen tantiata, quec onquepanëdash Nuquin Papa.

Madcos 9:7 ပူးပေါင်းရင်းမြစ်များ

Mateo 27:43

Nuquin Papa tantiaquid yec aton Madombo nebi, quequid icsho: Ai, cun madombo nec, quequin Nuquin Papan budmiac uënësenquio icsho isnu, quecuededpanëdash.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Madcos 1:11

Adnubien abucuësh nadec onquepanëdash: Mibiuidtsëqui cun Madombo icsho umbi bëdambuen isquin umbi tantiaidquio mibi nec, quepanëdash.

Madcos 9:6

Nadombuen chuinu, quenquio yec abëd icquidbëd dacuëdec tabadquin aden bëdambuen tantienquiocquin chuipanëdash Petedon.

Madcos 9:8

Adsho tantiatanquin isaquien Esusbëd tabadbued nibëdnuc Esus abentsëqui icsho ispanëdash.

Ducas 3:22

oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.

Uanën dada uaid 1:34

Aden ismeboc tantiaquin: Nuquin Papan Madombo nec, quequin mibi chiec nebi, quepondash Uan acten mentoanquid.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 12:28

Adtanequien aton Papa chiec: Papa, mimbi tantiacpadombuen nëbi nainembi. Umbi aden nainacsho: Nuquin Papa bëdambo iquec, matses cameta, Papa, quenubien abucuësh cumapenec onquec: Nëbi adomeshumbic padpiden: Nuquin Papa bëdamboshëcquid nec, matses cameuaindambi, quepondash.

Uanën dada uaid 19:7

Adoaquien isadaidbon chuiquidon Esus bëquidon: Cun matsesën: Nuquin Papa mua uaquid cuessunnequid yendac, cacpadombuen natiadquio iquebi. Nuquin Papan Madombo nebi, quec Esus abibi mua uadoshe. Uënës uaquimbien ictiad, quecuededpanëdash.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 5:18

Adsho tantiatanequien: Chonoadtemaid uëshën naquid icsambo iquec, nuqui cabued: Nuquin Papa cun Pambo nec, quiosh. Aden chiec icsamboshë iquec. Nuquin Papapadquidquio nebi, quechitequien nioshe. Uënës uaquimbien ictiad, quepanëdash cun matses isadaidbon chuiquido.

Uanën dada uaid 5:37

Ubi chiecbidi ubi chomequidtsen Cun Pa abimbo chiec onquepondash. ¿Adembidi Cun Pa onqueshoda tantiadio? ¿Cun Pada istio? Padambo mibitedishun iquec.

Uanën dada uaid 6:69

Ubitedishun: Abimbuen caic, quequin mibi tantiembi. Nuquin Papan Chomiaidquio yec bëdamboshëcquidquio nec, quequin mibi tantiembi, quepondash Petedo Esus caic.

Uanën dada uaid 9:35

Adnubien: Mimbi bëdanmebued cuenmiac caosh, quesho tantiashun Esusën ambi bëdanmebued istuidpondash. Istuidshumbic: Matsesën Tishaid yec Nuquin Papan Chomiaid nec ¿quequinda tantie? capondash Esusën ambi bëdanmebued chuiquin.

Hechos 1:9

Aden ambi: Ubi chuibenneta, caido ënquin chuishobi Esus abuc indopanëdash. Aden indosho isec aido tabadnubi abu ushun Esus bëtinsho padpiden istiapimbo icpanëdash.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Doma 1:4

Aidi abipadquid yec icsambuen naisa yec uënës uacsho Nuquin Papan uincuenmeshun ambi namiacpadombuen aton Mayanën aton Mado Esuquidistu nadatiambocquid icmepanëdash.

Ebedeo 2:1

Adec abitedishun Icbombo Nuquin Papan Mado Esus icnuc: Ambi Chiaid niaquec cuëshëdchitomane, queshun aid tantiaquin aidën chiacpadombuen nabanec bëdambuec tabadnuna.

Petedo 2 1:17

Nadquio icpondash. Macuësh tapan dectatoash Esus bëchamauanquiec yampondash. Adnubien bëchamauanquiec yacnouësh nadec Nuquin Papa onquesho tantiapondambi: Nëidquio Umbi tantiaidquio yec Umbi namiaidquio Cun Madombo nec. Aid isec bëdambo iquebi, quec auëshquio onquesho ubitedishun tantiapondambi.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.