Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Madcos 9:50 - El Nuevo Testamento en matsés

50 Sa bëdambocquid bëdambo iquec. Sa bëdambo icbuedi icsacsho ¿Mitsipaden bëdambo icmeuapec? Sa bëdambocquid casecac daëdacsho petiadquio yacbimbuec utsibobëd bëdambuec tabadta, quepanëdash Esus.

အခန်းကိုကြည့်ပါ။ ကော်ပီ




Madcos 9:50
28 ပူးပေါင်းရင်းမြစ်များ  

Adshumbic abi macuësh tapa poctse tsadquin Esusën naden chuibampanëdash: Ma utsibontsen Nuquin Papa tantianu, quiash mibitedi sa casecac pambid bëdambo icsho petiadquio yacbimbuec bëdambuec tabadta. Sa bëdambocquid bëdambo iquec. Sa bëdambo icbuedi icsacsho ¿Mitsipaden bëdambo icmeuapec? Adotiapimbo iquec. Sa icsambo yanacsho umanuc secacsho matsesën mannetequid nec, quepanëdash Esus.


Adsho tantiashun ëcbedenquio icpanëdash abëd icquidon. Nuquitedi abëd icquido yec ¿mitsicquid chuiquid tapambo iquendac? Tantianuna, quec abi cuëdnambued chienquio yec tabadpanëdash.


Padnuen pambid sa casecashun shëacbimbuec Nuquin Papa tantiaquid icnu, queshun mimbi icsambuen naid ënmiac nainquio yec mibitedi bëdambo yanendac.


Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.


Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.


Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.


Esus tantiaquido yec icsambuen chiec onquenda. Utsibo bëdambo icmenu, quequin tantiec bëdambuen chiec onqueta: Ma Nuquin Papan aidtsen bëdambo icmepanu, quiash.


Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.


Nuquin Papan mibitedi tantiaquioquin: Nëid cun matses canu, quequin tantiamiaido yec nadec tabadta. Utsibo tantiec uënësquiocquin nashumbanta. Adecbidi: Mimbia bedan bedembi, quequid icta. Adecbidi: Mibia nashunnu, quequid icta. Utsi icsambuen naid ënmenuec cumapenec chushquenquio icquin bëdambuen chuita. Tantesa uasho issun badedquio chieshtoenquio icquin bëdambuen chuiquin tantiameta.


Aden chuibanec mibi bëdambuec onquesho tantiash: ¿Mitsicquid mimbi tantiaid icpec? quetsiash tantiesa. Adsho tantiashun Esuquidistu mimbi tantiaid bëdambuen chuiquin tantiameta, ma aidon bëdambuen tantiapanu, queshun.


Aido Nuquin Papan Chiaid bëdambuen tantiamequidombo nec, quequin tantiaquioquin bëdambuen ista. Adec chieshëmënenquio yec utsibobëdtsen bëdambuec tabadta.


Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.


Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.


Badedquio nëishquidën Nuquin Papan chiacpadombuen bëdambuen nainquio icquid nec.


Tantia. Nëbi Esus tantiaquid abitedimbo chuinu. Nuquin Papan chiacpadombuen nanuna, quiash utsibobëd tantiananec bëdambuec isnanta. Cuishonquequidobëd cuishonqueta. Uënësquio yec shubiquidobëd shubita. Adec tantiananquiota. Umbi naiduidi naimbi, quenquio icquin utsibon chiacpadombuentsen nabanta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ