Madcos 9:29 - El Nuevo Testamento en matsés

²⁹ Adoaquien Esusën: Dapuduen, quequinuidtsëqui mimbi chuibudac adquid dapuduenesa nec. Nuquin Papa nadatiambocquin naquid nec, quequin tantiaquin chuidenneshun mimbi podobitsi icsa dapuduedaid: Dapuduen, cac dapuduenendac, quequin chuipanëdash.

Madcos 9:29 ပူးပေါင်းရင်းမြစ်များ

Mateo 12:45

Aden istuiduashic: Dapuduedtequidquio nëid nec, quianec abipadquid utsi bedec niduaposh. Nidshumbic 7ted icsamboshë icquido istuidshun bëash aidobëdi dapuduedposh. Adnuc podobitsi icsa abentsëc dapuduedaid yec ënden icsambo iquequi bëdapabi icbuedi aido dadpen dapuduedash buëdanquiec aid dada icsamboshë yanuaposh. Aidbimbuecquido yec nëbi matses icquid icsamboshëcquido nendac, quequin Esusën chuipondash.

Mateo 17:20

Nuquin Papambo tantiaquioquin mimbi bëdambuen natsenac. Cute mostasa caid ëshë pistsëcquio yacbimbuen mimbi ubi bëdiactsëc tantiatsec. Aden bëdiactsëc tantiaquid icquin nëid macuësh cain: Nëmbo icbuedi uanno mannëdta, cac ambo ictsiandac. Adembidi: Umbi natiapimbo ictequid nec, mimbi caidi mimbi: Ubi bëdambuen nameta, Papa, quequin abi chuidonesho issun aidëmbi mibi nametsiash. Nëbi umbi dapuduenmebued abembi cuentiapimbo icquid nec. Nuquin Papauidtsëqui tantiaquin buna mëmunquin Nuquin Papa chianneshun adquid dapuduenmetequid nendac, quequin Esusën abëd icquido chuipondash.

Madcos 9:28

Adashic Esus utsin shubun puduedacsho: ¿Atotsi queshumbimbi podobitsi icsa madompi dapuduedaid dapuduenmenquio icpo? capanëdash abëd icquidon utsibo tantiamenquio icquin.

Madcos 9:30

Aden chianec nidaid cuëshë Cadidea matambidanec nidpanëdash. Nidequi: Ubëd icquidotedtsëqui tantiamequin chuibannu, quec utsibo ismenquio yec nidpanëdash Esus.

Ducas 11:26

Adsho isash padpidec niduashun abipadquid utsi udictsëc icsamboshëcquid 7ted icquidobëd choash abitedi dapuduedcuededan aid dada buëdanquiec icsamboshë yanuaposh, quepanëdash Esus.

Hechos 14:23

Adembidi Esus tantiaquido yacno yacnombuen Pabadobëtan Bednaben: Bëdambuec tabadquin ismequin Esus tantiaquido chuibanquid icta, capanëdash. Adotanec ambi chuibuedobëd Nuquin Papauidtsëqui tantiaquin buna mëmunec tabadpanëdash. Adtanquimbic mamishbanquin: Nëido mibi tantiaquido neque. Bëdambuen dayun uata, Papa, quequin Pabadobëtan Bednaben chuipanëdash.

Codinto 1 9:27

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.

Codinto 2 11:27

Cuna bednuec iuec chonoadbudec uinmabudtedniondabi. Chieshtomenuen natiamededniondashi. Adecbidi ushenquio yec ushcasmadedniondabi. Adecbidi pete bunec acte bunquiondabi. Adecbidi dashcute utsi dasiuidte nibëdnuc iquenquiondabi.

Codinto 2 12:8

Adec cun dada bëdantiapimbo icsho issun: Ubi bëdanme, Icbo, quequin Nuquin Icbo 3teden chuiuidondambi.

Codinto 2 6:5

Utsin cueshcanten cacuesmiaqui bëdambo iquebi. Quënën tsadunmiaqui bëdambo iquebi. Nuquin Papan Chiaid chuibansho utsibo dadpenshun chushcabededaqui bëdambo iquebi. Cumapenec chonoadbudequi bëdambo iquebi. Utsi tantiaquin nabanec natia ushcasmashi bëdambo iquebi. Bunequi bëdambo iquebi.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Santiaco 5:15

Nuquin Papa bëdanmianquidquio nec, quequin tantiaquioquin chuinuc nënquid Nuquin Icbon bëdanmendac. Adembidi nënquidën icsambuen naidtedi tantienquio yec bëshunquin Nuquin Papan bëdambuen isendac.