Madcos 9:25 - El Nuevo Testamento en matsés

²⁵ Adsho tantiash matses dadpen chochosho issun podobitsi icsa naden chuiquin: Matses oncamenquio icquin pashu uaquid mibi neque. Ambo padpidec tabadenquio yec dapuduenta, capanëdash Esusën.

Madcos 9:25 ပူးပေါင်းရင်းမြစ်များ

Mateo 12:22

Adnubien: Ma Esusën bëdanmenu, queshun bëshuash onquesa bëpondash. Aidi podobitsi icsa dapuduedshun bëshu uain eme uaid yec onquesa nepanëdash. Adquid icshobien Esusën podobitsi icsa dapuduenmepondash. Adoac isbenequi onquiampondash.

Mateo 17:18

Adoac bësho istanquin Esusën podobitsi icsa chushcapondash. Padi. Dapuduen, cac podobitsi icsa dapuduennubi madompi bëdampondash.

Madcos 9:15

Adec Esus chosho isashien iccuededquido: Bëdanmianquid choeque. Isnunid, quetanec titinquianec choquin: ¿Choecta icco? capanëdash.

Madcos 9:24

Adsho tantiashien cumapenec cuëdec: Tantiembi. Umbi pistsëc tantiasho issun ubi udictsëc tantiamequin nashun, Icbo, quepanëdash madompin papa.

Madcos 9:26

Aden chiaquien podobitsi icsa cumapenec sidquequin madompi uebudmiac cuididiquenubi dapuduempanëdash. Adec dapuduenan uënësacbimbuec madompi uesho isash: Uënësosh, quecuededpanëdash isquido.

Ducas 11:14

Adshumbic podobitsi icsa dapuduedshun eme uaid dada icsho istanquin Esusën: Dapuduen, cac podobitsi icsa dapuduennubi ambi eme uaid onquiampanëdash. Adsho isash iccuededquidotedi tantiadempambo yec tabadnubi

Ducas 4:35

Esusën: Cuëdenquio yec ënëdta. Adash dapuduen, cac abi dapuduedaid podobitsi icsan bëcunniac nidaidën uebudsho isec tabadcuedednubi aid icsa uainquio yec dapuduempanëdash.

Ducas 4:41

Adembidi utsi utsiec podobitsi icsa dapuduedaido icsho dapuduenmebampanëdash. Adoac: Nuquin Papan Madombo mibi nec, quec sidquesho tantiashun: Aden ubi chienda, Esusën cac podobitsi icsa ënëdpanëdash. Mesias nebi, quequin tantiaquin utsibo tantiamenushe, queshun podobitsi icsa chuimenquio icpanëdash.

Ducas 8:29

Adec onqueshobi podobitsi icsa chuiquin Esusën: Dapuduen, capanëdash. Aid dada podobitsi icsa dapuduedshun namiac nad icpanëdash. Shocosh bucun abi mëtaniaidbëtabi abi tataniaid tëstenniacsho podobitsi icsan shubu nibëdacno buanaid aid dada nepanëdash.

Ducas 9:42

Aden bëec anoentsëqui chosho podobitsi icsan bëcunniac madompi uëdëquianec uebudpanëdash. Adosho issun Esusën: Aidën dadan iquenquio yec dapuduenec cuenta, capanëdash podobitsi icsa chuiquin. Aden chiac dapuduennuc madompi bëdanacsho aton papa Esusën menepanëdash.

Hechos 16:18

badiadquidën badiadquidënquiec cumapenec cuëdtednepondash. Adec cuëdsho tantiate bunenquio icquin amibidi bidiadquin podobitsi icsa dapuduedaid chido chuiquin cumapenec cuëdquin Pabadon: Esuquidistu Cun Icbombo icquin dapuduenmeta, cac aid chidon dadan iquenquio yec badedquio podobitsi icsa dapuduempondash.

Udas 1:9

Nuquin Papabëd icquidon chuiquid tapa icquin Miquedën adotiapimbo icpampic. Aidi Moises uënësacsho isash: Chococanu, quesho tantiashumbien Mayan Icsa Satanasën: Umbiquien bednu, catuidpampic. Adoac: Icsambocquid mibi neque. Cuidnu, cainquiocquin Miquedën: Nuquin Papambi ma mibi chushcapanu, capampic.