Madcos 9:24 - El Nuevo Testamento en matsés

²⁴ Adsho tantiashien cumapenec cuëdec: Tantiembi. Umbi pistsëc tantiasho issun ubi udictsëc tantiamequin nashun, Icbo, quepanëdash madompin papa.

Madcos 9:24 ပူးပေါင်းရင်းမြစ်များ

Madcos 9:23

Adoaquien Esusën: ¿Ada podobitsi icsa dapuduedaid dapuduenmeshuntsia? ¿quecta ique? Nuquin Papa nadatiambocquin naquidquio nec, quequin tantiaquidën tantiacpadombuen Nuquin Papan nashunendac, capanëdash.

Madcos 9:25

Adsho tantiash matses dadpen chochosho issun podobitsi icsa naden chuiquin: Matses oncamenquio icquin pashu uaquid mibi neque. Ambo padpidec tabadenquio yec dapuduenta, capanëdash Esusën.

Ducas 17:5

Adoaquien: Nuquin Papa nadatiambocquin nabanquidquio nec, quequin tantiaquidquio icte bunebique. Adquidquio ubitedi icme, icbo, capanëdash abëd icquidon Esus chuiquin.

Ducas 7:38

Aden bëec choash puduedshun Esus istuidash: Nëid bëdambocquid nec, quequin ambibi tantiec shubiec Esusën taëno tsadbudshun aton bëunën tapascaquin tachucu uapanëdash. Aden tachucu uatanquin aton manëdaidën taucshun tachoccatanquin danoshquete bëdambo noadquidën chidon tanoshcapanëdash.

Ducas 7:44

Simon tantiamenuen chido yacmi bidiadshun naden Esusën chuipanëdash: Min shubun puduedsho nuquin matsesën nacpadombuen mimbi tapamëdte ubi menenquio iccoc. ¿Nëid chidon nasho isenquioda ictio? Aidëmbi aton bëunën tachucu uatanquin aton manëdaidëmbi taë bëchishaid ucposh.

Hechos 10:19

Aden chuinubi ambi isbued tantiec Petedo tsadsho Nuquin Papan Mayan Bëdan: Dada 3ted choshon mibi nibënec.

Hechos 10:31

Codnedio, abi chiec onquiannesho Nuquin Papan mibi tantiashunosh. Adembidi atona nibëdquido mimbi meniannesho aidëmbi bëshunenquio icquin tantiec.

Codinto 2 2:4

Uënësquio yec shubiquimbi mibitedishun iste dada uashun: Buanshun meneta, caondambi. Uënësquio icmenu, quenquio icquin: Pabadon tantiaidquio nuquitedi nec, quequin mibitedi tantiamenuen dada uaondambi.

Epeso 2:8

Nuquin Papa matses bëdambuen iste bunquid icquin Esuquidistu tantiasho abi yacno tabadtequido mibitedi icmiac. Umbibi tantiacpaden naquin Nuquin Papa bëdambuen ismembi, quetiapimbo mibitedi iquec. Padnuen mibi tantiaquioquin: Ubi cuidquin mene, quenquiocquin Nuquin Papan abi tantiamiaido mibitedi nec.

Pidipos 1:29

Esus tantiaquido icsho natiamiaqui mibitedi bëdambo iquendac. Adecbidi Esuquidistu tantiec bëdambo icuaindac.

Tesadonica 2 1:11

Aidobëtambi Esus isembi, quequin mibitedi tantiaquin Nuquin Papa ënenquio icquin naden chiannembi: Mimbi Esus tantiamiaido neque. Bëdambuec tabadmeta, Papa. Aido: Esus tantiec mimbi chiacpadombuen natiadquio iquebi, quequin mibi chuisho ambi chiacpadombuen nameta. Nadatiambocquin naquidquio mibi neque. Adota, Papa.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Timoteo 2 1:4

Ubi nidnu, quesho tantiash mibi shubiondaid tantiec mibi iste bunquiebi, mado. Mibi isec cuishonquetsiabi.

Ebedeo 12:17

Aden Esaun nampid mimbi tantiec. Ambi chiacpadombuen abi chuitequidi aton papan Acobo chiacsho tantiashun: Ubitsen mimbi bëdambo icmete chiaid utsi chui, papa, cac: Uesquin min utsi chiombi, quequin aton papan chiac Esau shubiquiopampic.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 5:7

Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.