Madcos 9:23 - El Nuevo Testamento en matsés

²³ Adoaquien Esusën: ¿Ada podobitsi icsa dapuduedaid dapuduenmeshuntsia? ¿quecta ique? Nuquin Papa nadatiambocquin naquidquio nec, quequin tantiaquidën tantiacpadombuen Nuquin Papan nashunendac, capanëdash.

Madcos 9:23 ပူးပေါင်းရင်းမြစ်များ

Mateo 14:29

Adsho tantiashun Esusën: En cho, caquien Petedo canonuësh budanec acte bëntse Esus bëquedec nidpondash.

Mateo 17:20

Nuquin Papambo tantiaquioquin mimbi bëdambuen natsenac. Cute mostasa caid ëshë pistsëcquio yacbimbuen mimbi ubi bëdiactsëc tantiatsec. Aden bëdiactsëc tantiaquid icquin nëid macuësh cain: Nëmbo icbuedi uanno mannëdta, cac ambo ictsiandac. Adembidi: Umbi natiapimbo ictequid nec, mimbi caidi mimbi: Ubi bëdambuen nameta, Papa, quequin abi chuidonesho issun aidëmbi mibi nametsiash. Nëbi umbi dapuduenmebued abembi cuentiapimbo icquid nec. Nuquin Papauidtsëqui tantiaquin buna mëmunquin Nuquin Papa chianneshun adquid dapuduenmetequid nendac, quequin Esusën abëd icquido chuipondash.

Madcos 11:23

Aden tantiaquin: ¿Umbi chiacpadombuenda napatsiashba? quenquiocquin abi chuisho mimbi chiacpadombuen natsiash. Adoac mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuaindac.

Madcos 9:22

Abi dapuduedaidën cute dëtsiadoaid nënedenniosh. Adembidi uënësmenu, quequin actetsen nëpaëdmedenniosh. ¿Ada ubëta cun madompi tantiaquin podobitsi icsa dapuduedaid dapuduenmeshuntsia? quepanëdash madompin papa Esus chiec.

Madcos 9:24

Adsho tantiashien cumapenec cuëdec: Tantiembi. Umbi pistsëc tantiasho issun ubi udictsëc tantiamequin nashun, Icbo, quepanëdash madompin papa.

Ducas 17:6

Adoaquien: Cute mostasa caid ëshë pistsëcquio ictsec. Aid yacbimbuen Nuquin Papa nadatiambocquin nabanquid nec, quequin mimbi bëdiactsëc tantiactsëcquin nëid cute cain: Mananuc tabadbuedi adquiecbidi acte nantan tabaduata, quequin mimbi chiacpadec acte nantantsen abi tabadacpadecbidi tabaduaindac, quepanëdash Esus.

Uanën dada uaid 11:40

Adoaquien Esusën: Mambi mibi chuipaboc. Mimbi: Nuquin Papan Madombo mibi nec, ubi casho: Nuquin Papan namiac umbi nadatiambocquin nasho mimbi isendac, mambi mibi capaboc, capondash.

Hechos 14:9

Aidi Pabadon Esus chuibansho tantiec: Esusën ubi bëdanmetsiash, quequin otacquio tantiec tsadpanëdash. Aden caputiapimbocquidën tantiacpadombuen Nuquin Papan Pabadotsen tantiamiac

Ebedeo 11:6

Padnuen abi tantienquiocquin naquid icsho isash: Umbi bëdambuen isaidquio nec, quetiapimbo Nuquin Papa iquec. Adquid icnubi Nuquin Papa tantiaquid icte bunebi, quequid nadtsiash: Nuquin Papa abi iquec. Abi tantiaquido bëdambuen nashunquidquio nec, quequin abi tantiaquid icsho ambi bëdambuen isaidquio nec.