Madcos 8:33 - El Nuevo Testamento en matsés

³³ Aden Petedon chuisho tantiash bidiadshun abëd icquido utsibo isquin Esusën naden Petedo chuipanëdash: Cuenta, Satanas. Nuquin Papan tantiacpadpenquiocnoc ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden mimbi tantiec, quepanëdash Esus Petedo cumapenen chushcaic.

Madcos 8:33 ပူးပေါင်းရင်းမြစ်များ

Mateo 15:23

Adoac Esusën ëcbedenquio icpondash. Ëcbedenquio yaqui chidon tsibambëquin cuëmbëpondash. Adsho tantiashun ubitedishun: Chieshanquiec cuënchoeque. Cuenme, Icbo, caquien

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Mateo 4:10

Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.

Madcos 3:34

abëd tabadquido isquin chiec: Nëido cun tabëd cun utsibo nec, caimbi, quepanëdash Esus.

Madcos 3:5

Adsho isash nëishtanquin abi datsidadquido bëisbanec uënësquio yec Esus: Nuquin Papan Chiaid tantiaquin naisa yec matses tantiatiapimbo icquido nec, quequin ambibi tantiec: Uënësquio iquebi, quetanquin mëicsatsaid chuiquin: Ubi mëd, Esusën cac mëdequi aton mëdante bëdampanëdash.

Ducas 22:61

Adec cuëdnubi aton Icbon bidiadshun Petedo bëispanëdash. Adosho issun: Nëid inchëshëmbi cachina cuëdabicnuc: Umbi isacmaid nec, quequin 3teden mimbi chiendac, quequin aton Icbon chuibued tantiash

Ducas 4:8

Adoaquien Esusën: Nuquin Papan chuiquin naden dada uamiampid iquec: Nuquin Papauidtsëqui tantiaquin ismequin dannëshën sebudshun aidën chiacpadombuenuidi nabanta, quequin chiampid iquec, quepanëdash Mayan Icsa Satanas chiec.

Ducas 9:55

Adoaquien bidiadquin isec: Padicnuna. Aden chienda, capanëdash.

Codinto 1 5:5

aid dada icsambuen naquid nidme. Ma adoacsho ambi tantiacpadombuen Mayan Icsa Satanasën aton dada mëyanac icsambuen nate bunenquio yanacsho Nuquin Icbo chouashun abi yacno ma aton mayan iuedpanuna.

Pidipos 3:19

Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.

Timoteo 1 5:20

Esus chuibanquidën Nuquin Papan Chiaid niacacsho: Nuquin Papan Chiaid niacquin mimbi icsambuen naoc. Aden nainda, cata. Esus tantiaquido dadpenshun tantianubi aden chushcata. Aden chuisho tantiash dacuëdec: Ubitsen adembidi chushcapanundac, queshun ma utsibon Nuquin Papan Chiaid niaquenquio icnu, queshun chuita.

Tito 1:13

Aden abimbo chuipampic, quequin muaquin chuiquid ambi icsambuen tantiaid ënmenu, quequin: Aden chuibanenda, quequin chuita ma Esuquidistumbo tantiaquid yampanu, queshun.

Petedo 1 4:1

Utsibon chieshënquin natiamequin aton dada mëyanaqui Esuquidistu chieshtoenquio icpanëdash. Adembidi mibitedi chieshënquin natiamiac chieshtoenda. Aden mëyanaqui icsambuen nate bunenquio mibi iquendac.

Uan 1 2:15

Tantia. Esus tantiaquido icsho mibitedi chuinu. Nuquin Papa tantiesabon nacpaden nate bunenda. Aden nate bunquid Nuquin Papa tantiesa nec.

Esusën Uan ismiaid 3:19

Mimbi icsambuen naic, quequin aton papan aton bacuë ënmiacbimbuen ubi tantiaquidon icsambuen nasho issun: Ambi icsambuen naid ënmenu, quequin natiambo icmembique. Nuquin Papabëta ubi padpidembuen tantiabenuaquin mimbi icsambuen naid ënash bëdambuec tabadta.