Madcos 8:23 - El Nuevo Testamento en matsés

²³ Adsho Esusën bëshuaid mëdinanquin Betsaida caid udictsëc buanshun uicchunën bënoshcatanquin mamishquin: ¿Ada mimbi iseque? Ubi chui, capanëdash Esusën.

Madcos 8:23 ပူးပေါင်းရင်းမြစ်များ

Madcos 5:23

naden Esus chuipanëdash: Cun champi uënëstiadtsëcquio iccoshe. Aid mishquin bëdanmec cho, quequin chuidoniac

Madcos 7:33

Adsho tantiashun iccuededquido ismenquio icquin udictsëc dada buanshun aton mëdante dëshbi pashuaidën pabiaten paosuntanquin chicpanëdash Esusën. Adshun: Min anatsen mishnu, quetanquin uicchun mishtanquin pashuaidën ana mishpanëdash.

Madcos 8:24

Adsho tantiashun isquin: Bëdambuen isenquio icquin cute capuacbipambuec matses capusho isembi, capanëdash bëshuaidën.

Madcos 8:26

Aden bëdambuen isbensho issun: Nëbi min shubuno nidec nid. Betsaida caid yacno nëbi nidenda, capanëdash Esusën.

Hechos 23:19

Aden chiaquien aid mëdinanquin udictsëc buanshun comandanten: ¿Atotsi ubi chuinuec cho? capanëdash.

Hechos 9:8

Adec onquec ënëdan nidtoshon isnuequi Saudo istiapimbo yec bëshupanëdash. Adsho issun mëdinanquin Damasco yacno buampanëdash.

Ebedeo 8:9

Ëndenquimbo min tsusedpabo Equipito yacnoshon buanmequin Umbi: Naden nata, quequin chiampid niaquec icsambuec tabadsho issun isadaidbo nianondambi, quepampic Nuquin Papa.

Esusën Uan ismiaid 3:18

Adquid icsho mibi chuinu. Tantia: Ubi tantiaquid icnuen bëchish nibëdquiocnoc cute nëdënquequidën dapichicac bëdamboshëcquid icsho cun shocosh piu piupactsëcquid odo caid bedta. Adosho mibi mitsana dadpenquiocquid icmendambi. Ubi tantiaquid icquin dashcute nibëdquio icbuedi bëchish nibëdquiocquid cun dashcute ushumboshë icquid dasiuidnun bedash aid dasiuidash mibi dacuëdenquio iquendac. Ubi tantiaquid icquin cun dauë bëpasquenun bed. Adshun mimbi bëdambuen isquin umbi naid tantiendac.