Madcos 8:2 - El Nuevo Testamento en matsés

² Matses bunec tabadsho isash nëido tantiec uënësquio iquebi. Aidon ubëd daëdec ushec tabadquin aton pete uesquin piash nec, quiash uënësquio iquebi.

Madcos 8:2 ပူးပေါင်းရင်းမြစ်များ

Mateo 14:14

Adnubien Esusën cano nandoash pudundoquimbi matses dadpenquio icsho istuidpondash. Adsho isash aido tantiec uënësquiocquin aidon bëbëaido nënquidobëta daicsaidotedi bëdanmebampondash.

Mateo 20:34

Adsho tantiashun aid daëd uënësquio icquin bëdambuen isquin Esusën bëshuaid daëdi bëmishnubi badedquio bëdanquin isbempondash. Adshun abidaëdshumbi Esus nidsho tsibanampondash.

Mateo 9:36

Abi tantiesabo dadpen chochosho isash uënësquio icnuc shubiantiadtsëcquio icpondash Esus. Abi dayun uaquid nibëdnuc nëish iua obeca icsambuec tabadacbimbuec icsambuec tabadec. Nuquin Papa bëdambuen ismete chiabi icac tantienquio yec bëdambuec tabadtiapimbo iquec, quiash shubiantiadtsëcquio icpondash Esus.

Madcos 1:41

Adsho tantiash aid isec uënësquio ictanquin mishec Esus: Mibi bëdanmete bunebique. Bëdanta,

Madcos 5:19

Adoaquien Esusën: Padi. Min shubuno nidec nid. Ambo nidshun Nuquin Papan mibi tantiaquin podobitsi icsa dadpen dapuduedaid dapuduemequin mibi bëdamebued min matses chuibanta, capanëdash.

Madcos 6:32

Aden chianec cano dapa antabëdtoanec nidec matses nibëdacno abëd icquidobëdtsëqui Esus nidpanëdash.

Madcos 6:34

Adec aidtedi abia chochoambien Esus abëd icquidobëd choquin cano nandopanëdash. Aden nandoash pudundoquimbi matses dadpenquio abi cainec tabadsho isash Esus: Abi dayun uaquid nibëdnuc nëish iua obeca icsambuec tabadacbimbuec icsambuec tabadquido chochoac, quequin aido uënësquiocquin tantiaquin Esusën dadpenquio chuibampanëdash.

Madcos 8:3

Aton pete nibëdsho issun pemiambobi utsi utsiec ënapenuësh chochoquido icsho: Min shubuno nidshun petan, cac podquiedën nidannec padishnushe, queshun nidmetiapimbo iquebi, quepanëdash Esus.

Madcos 9:22

Abi dapuduedaidën cute dëtsiadoaid nënedenniosh. Adembidi uënësmenu, quequin actetsen nëpaëdmedenniosh. ¿Ada ubëta cun madompi tantiaquin podobitsi icsa dapuduedaid dapuduenmeshuntsia? quepanëdash madompin papa Esus chiec.

Ducas 15:20

abibi quianec aton papa yacno chouaposh. Adec choec ancuenquio yacno aton mado nidondaid casenash chosho isash uënësquiocnoc aton mado bëquedbanec titinquequin dayumbudshun shubi uatanquin aton papan tanchoccaposh.

Ducas 7:13

Adec choec niante shubisho isash uënësquio icquin Esusën: Shubienquio yec ënëd, capanëdash.

Ebedeo 2:17

Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.