Madcos 8:12 - El Nuevo Testamento en matsés

¹² Adsho tantiash uënësquio yec uëshquetanec: ¿Atotsi queshun nëid matsesën: Nuquin Papan Chomiaid icquin nadatiambocquin nabanquin ubi isme, capec? Aden chiaqui: Mibi nadatiambocquin naquin ismenquio iquembi, capanëdash Esusën.

Madcos 8:12 ပူးပေါင်းရင်းမြစ်များ

Mateo 12:38

Aden chuisho tantiashumbien padiseobobëtan Moisesën chiampid tantiamequidon naden Esus chuipondash: Nuquin Papan Chomiaid nebi, quequin nadatiambocquin nabanquin ubitedi isme, capondash.

Mateo 16:4

Nuquin Papan Chiaid niac niacquido yec mibitedi icsamboshë icquido nec. Adquido iquequi ubi tantiate bunenquio icquimbi: Nadatiambo icquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi mibi ismendac. Nuquin Papan ambi oncamiaid Onas nampicpadombuen naquin ismendambi, quianec aido nianec Esus nidpondash.

Madcos 3:5

Adsho isash nëishtanquin abi datsidadquido bëisbanec uënësquio yec Esus: Nuquin Papan Chiaid tantiaquin naisa yec matses tantiatiapimbo icquido nec, quequin ambibi tantiec: Uënësquio iquebi, quetanquin mëicsatsaid chuiquin: Ubi mëd, Esusën cac mëdequi aton mëdante bëdampanëdash.

Madcos 6:6

Aden bëdanmetanec: ¿Atotsi quiash umbi chuibansho tantiate bunenquio mibi icpe? quepanëdash Esus. Adashic auëshquiobi puduanec nidanneshun uanno nidenquio yec anoentsëqui shubu daëdpactsëc icquid utsi utsiec yacno capucuennequin Nuquin Papan Chiaid Bëda Esusën chuibennepanëdash.

Madcos 7:34

Aden mishec bushquequin abuc isec: Epata, quepanëdash. Paucud, quec adpanëdash Esus aton onqueten.

Madcos 8:13

Aden chuitanec aido nianec cano antabëdtoanquin chian ëquëmatsiuc potec nidpanëdash.

Madcos 9:19

Aden chuisho tantiash abëd icquidobëta ambo icquido caic: Esus nadatiambocquid nec, quequin ubi tantiesa mibitedi nec. ¿Tedectsicshun umbi chiacpaden mibitedishun tantiabempe? ¿Mibitedishun tantienquiocsho isash tedectsiashini chieshtope? quetanquin: Min madompi bec cho, capanëdash Esusën.

Ducas 19:41

Adanec nidequi Edusaden anoentsëqui choequi ambo icquido tantiec shubiec Esus nadpanëdash: