Madcos 7:26 - El Nuevo Testamento en matsés

²⁶ Chido isadaidpembo yec nidaid Sidopenisia caid yacnocquid nepanëdash. Aidi Esus chiec: Cun champi podobitsi icsa dapuduedaid iccoshe. Dapuduenme, Icbo, quequin chuipanëdash.

Madcos 7:26 ပူးပေါင်းရင်းမြစ်များ

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Madcos 7:25

Aden chuisho tantiash podobitsi icsa dapuduedaid champin tita Esus yacno chopanëdash. Adec choequi Esusën taëno dannëshën tinquebudpanëdash.

Madcos 7:27

Adoaquien Esusën: ¿Ma cun bacuëbon bëyuc penu, quenquio icquin bedshuntanquin opaba pemiacta bëdambo icpatsiash?

Cadasia 3:28

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.