Madcos 7:15 - El Nuevo Testamento en matsés

¹⁵ Tsusedpabon chiampicpadombuen mëpamëdambobi pete pequin ambi chebudaidën matses icsatiapimbo iquendac. Padnuen ambibi ëquëducshun icsambuen tantiec chieshëmënec onquiaidëmbien matsesën icsambuen naindac.

Madcos 7:15 ပူးပေါင်းရင်းမြစ်များ

Mateo 12:34

Ma mibitedi nisibimbuecquido neyoc. Adquido icquin ¿Mitsipaden bëdambuen tantiaquin mimbi chuibampe? Ma mimbi icsambuen tantiaquin utsibo icsambuen chuishumboc.

Mateo 15:16

Esusën: ¿Mibitedishunda adembidi tantienquio ique?

Madcos 7:14

Aden chiashic Esus utsibo chiec: Tantiec cho, quetanquin: Mibi chuibannu. Abitedishumbi bëdambuen tantiaquiota.

Madcos 7:16

Pabiate shëcuë choquidën Umbi Chiaid bëdambuen tantiata, quepanëdash Esus.

Hechos 10:28

Aden aido isec: Umbi naden tantiaid mibitedishun tantiec: Isadaidbo nebi. Adquid yec isadaidpembobëd capuesa nebi. Adecbidi min shubun puduedesa nebi. Puduedesa icbuedi Nuquin Papan: Umbi bëdambuen isaidi: Icsambo iquec, cainda, quequin ismequin tantiameboc ubi tantiec tsadnubi

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Codinto 1 10:25

Piucquid menequin pambid tëshë bednu, quequin: ¿Matsesën ambibi nacnenshun papa caid ismequin pichicanuen cuessunniaid tëshëda nec? quenquio icquin bedshun peta.

Tito 1:15

Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.

Ebedeo 13:9

Esusën naidquio chuinu, quequidën utsi chiec muaquin chuibansho tantienda. Padnuen mibi bëdambuen isquin nashunquid: Nuquin Papa tantiaquidquio ma yannu, quequin mibi chuibanquidën chuibanacpadombuen nabanta. Utsibic: Nëid petemaid nec. Nëid petequid nec, quequin tantiaquin naquid yec Nuquin Papa tantiaquidquio yanenquio mibi ictsiac.

Ebedeo 9:10

Adembidi: Nëid petequid nec. Nëid petemaid nec. Nëid actequid nec. Nëid actemaid nec. Nëid nabannush mëpamëdtequid nec. Nëid Nuquin Papa tabadte shubumpin puduednush dapamëdtequid nec, quequin tantiaquin nabampanëdash. Aden nabanquin bëdambuec tabadquid icmetiapimbo icpampic. Aden Nuquin Papan abi ismequin nabantequid utsi uabi icnuc matsesën nate nepanëdash.