Madcos 6:6 - El Nuevo Testamento en matsés

⁶ Aden bëdanmetanec: ¿Atotsi quiash umbi chuibansho tantiate bunenquio mibi icpe? quepanëdash Esus. Adashic auëshquiobi puduanec nidanneshun uanno nidenquio yec anoentsëqui shubu daëdpactsëc icquid utsi utsiec yacno capucuennequin Nuquin Papan Chiaid Bëda Esusën chuibennepanëdash.

Madcos 6:6 ပူးပေါင်းရင်းမြစ်များ

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Mateo 8:10

Adsho tantiashun Esusën abi tsibambëquido naden chuipanëdash: Bëdambuen tantiaquin nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec.

Mateo 9:35

Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Madcos 1:39

Aden chuibanec nidaid cuëshë Cadidea caidën icquidtedi yacno capucuennequin Esusën Nuquin Papan Chiaid chuibante shubun shubunquiec puduedcuennequin Nuquin Papan Chiaid Bëda chuibampanëdash. Adembidi podobitsi icsa dapuduedaido dapuduenmebampanëdash.

Madcos 10:1

Esus abëd icquidobëd shubu dadpen icquid Capednaun yacnouësh puduanec nidec nidaid cuëshë Udea yacno matambidanec nidquin acte Odan caid potepanëdash. Ambo uëshë choacmi choash tabadsho isash padpidec matses dadpen chochopanëdash. Adec chochoacsho issun ambi chuidedniacpadembi Nuquin Papan Chiaid padpiden chuibanuapanëdash Esusën.

Ducas 13:22

Adashic Edusaden yacno niduaquin shubu dadpen icquid utsi utsiec yacno isbidanquin shubu daëdpactsëcquid utsi utsiec yacnotsen isbidanuaquin ambocquidotsen tantiamequin Esusën chuibampanëdash.

Ducas 4:31

Adashic nidaid cuëshë Cadidea yacno nidec shubu dadpen icquid Capednaun yacno Esus chopanëdash. Ambo choshon chonoadtemaid uëshën uëshënquien Nuquin Papan Chiaid chuibante shubun puduedshun chuibampanëdash.

Ducas 4:44

Aden chiashic aton matses isadaidbon nidaid yacnoshon Nuquin Papan Chiaid chuibante shubun shubunquiec puduedcuennequin Nuquin Papan Chiaid chuibennepanëdash.

Uanën dada uaid 9:30

Adoaquien bëshuacbuedën: ¿Abimboda cai? Dadpenquio tantiembi, ma mibi quepaboc. ¿Adbuedida: Umbi tantiacmaidquio nec, mibitedi quepe? Mimbi tantiacmaidëmbini bëdanmiosh.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.