Madcos 6:55 - El Nuevo Testamento en matsés

⁵⁵ badedquio shubu utsi utsiec yacno nidanneshun chuibenniac nënquidobëta daicsaido nandoten nandoshon Esus yacno bëbëpanëdash.

Madcos 6:55 ပူးပေါင်းရင်းမြစ်များ

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Madcos 6:54

Aden nëshan pudundosho issun ambocquidon: Bëdanmianquid chosh, quequin tantianec

Madcos 6:56

Adecbidi shubu dadpen yacno yacnombuec Esus capucuennesho issun adembidi ambocquidon: Bëdanmianquid nec, queshun Esus nidaid podquied cuëman sambannuen daicsaidobëta nënquido bëbëpanëdash. Aden bëbëshun sanac samëdsho issun: ¿Ada min dashcute cuëma daicsaidobëta nënquido mishmetsia? cac Esusën mishmiaidtedi bëdancuededpanëdash.

Hechos 5:15

Adec Esus tantiaquid yanshun daicsaidobëta nënquido bëbëshun: Petedon datannubi aton sauanën ma bëdanmenu, queshun Petedo choacno aton uetechobi nambededpanëdash.