Madcos 6:34 - El Nuevo Testamento en matsés

³⁴ Adec aidtedi abia chochoambien Esus abëd icquidobëd choquin cano nandopanëdash. Aden nandoash pudundoquimbi matses dadpenquio abi cainec tabadsho isash Esus: Abi dayun uaquid nibëdnuc nëish iua obeca icsambuec tabadacbimbuec icsambuec tabadquido chochoac, quequin aido uënësquiocquin tantiaquin Esusën dadpenquio chuibampanëdash.

Madcos 6:34 ပူးပေါင်းရင်းမြစ်များ

Mateo 14:14

Adnubien Esusën cano nandoash pudundoquimbi matses dadpenquio icsho istuidpondash. Adsho isash aido tantiec uënësquiocquin aidon bëbëaido nënquidobëta daicsaidotedi bëdanmebampondash.

Mateo 15:32

Adec tabadsho isashien Esus: Matses bunec tabadsho isash nëido tantiec uënësquio iquebi. Aidon ubëd daëdec ushec tabadquin aton pete uesquin piash bunec tabadec, queshun pemiambobi: Min shubu yacno nidshun petan, cac podquiedën nidannec padishnushe, queshun nidannemetiapimbo iquebi, quepondash Esus abëd icquido chiec.

Mateo 9:36

Abi tantiesabo dadpen chochosho isash uënësquio icnuc shubiantiadtsëcquio icpondash Esus. Abi dayun uaquid nibëdnuc nëish iua obeca icsambuec tabadacbimbuec icsambuec tabadec. Nuquin Papa bëdambuen ismete chiabi icac tantienquio yec bëdambuec tabadtiapimbo iquec, quiash shubiantiadtsëcquio icpondash Esus.

Madcos 6:33

Adec nidsho matses dadpenshun isbededquimbi abi nidte yacno tantiec: Ambo nidequi nec, quianec shubu dadpen icquid utsi utsiec yacnouësh chochoquido titinquianec abia nidannepanëdash.

Madcos 6:35

Uëshë budsho istanquin abëd icquidon Esusën dayuntsëc choshon: Pete nibëdacno nuqui tabadnubi inchësheque.

Madcos 8:1

Adashic Esus yacno matses dadpen padpidec chochoash iuec tabadec pete nibëdnuc bundocuededpanëdash. Adsho issun abëd icquido chomeshun Esusën naden chuipanëdash:

Madcos 8:2

Matses bunec tabadsho isash nëido tantiec uënësquio iquebi. Aidon ubëd daëdec ushec tabadquin aton pete uesquin piash nec, quiash uënësquio iquebi.

Ducas 9:11

Adec nidsho issun chochoquidon tsibanampanëdash. Adsho issun Esusën: Nuquin Papan namiacno tabadte iquec, quequin chuibanquimbi daicsaidobëtabi nënquido bëdanmepanëdash.

Ebedeo 2:17

Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.