Madcos 5:7 - El Nuevo Testamento en matsés

^7-8 Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec.

Madcos 5:7 ပူးပေါင်းရင်းမြစ်များ

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 26:63

Adoac ëcbedenquio yec otacquio icpanëdash. Adshobien nëish iua cuessunneshun pichicaquidon chuiquid tapan: Nuquin Papa uënëstiapimbocquidën cuidnushe, queshun abimbo chuita. ¿Nuquin Papan Chomiaidquio Quidistu caid yec aidën Madombobida mibi nepe? caquien

Mateo 4:3

Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Mateo 8:29

Aidon podobitsi icsabon oncamiacpadombuen cumapenec cuëdquin Esus naden chuipanëdash: ¿Atotsi ubitedi canuec ne? ¿Nuquin Papan Madombo icquin ubi natiamequin cuidnuecta cho? ¿Nuquin Papan abitedi cuidte uëshë choabi icnubida ubitedi cuide? capanëdash podobitsi icsabon oncamiac.

Madcos 1:24

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan bëdambuen isaidquio yec Icsaisambo mibi nec, quepanëdash.

Madcos 14:61

Adoac ëcbedenquio yec otacquio icsho issun: Ambi chomiaidquio Quidistu caid Nuquin Papan Madombo nebi, ¿quecta ique? capanëdash nëish iua cuessunneshun pichicaquidon chuiquid tapanquio Esus cain.

Madcos 3:11

Adnubi podobitsi icsa dapuduedaido choquin Esus istuidequi dannëshën sebudec cumapenec sidquec: Nuquin Papan Madombo mibi nec, quec cumapenec cuëdpanëdash.

Madcos 5:6

Aidi Esus chosho uannoshon isanec titinquianec choec aid ismec dannëshën tinquebudpanëdash.

Ducas 1:32

Mimbi tishaid chuiquid tapa iquendac. Aden mimbi tishaid issun: Nuquin Papa Nadatiambocquidën Madombo nec, cabededendac. Tsusedpa Dabid chuiquid tapa Nuquin Papan icmiampicpadombuembidi chuiquid tapa aid icmeuaindac.

Ducas 4:34

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan Mado Icsaisambo mibi nec, caquien

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Ducas 8:28

Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Hechos 16:17

Aden bëquedtuidac Pabadobëta ubitedi tsibambëec choec chido nua cuëdec: Nëid dadatedi Nuquin Papa abitedishun Icbon namiaidombo nec. Aido: Nuquin Papa yacno puduedmianquid iquec, quequin chuibanquido nec, quec

Hechos 19:13

Adnubien podobitsi icsa dapuduenmenuen Pabadon Esus chuiquin nabocpaden tanquin isadaidbo utsibon: Esus Pabadon chuibuedënquio namiac dapuduen, capanëdash.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Doma 16:20

Mibitedi bëdambuec tabadmequid icquin mibi dëniacmequin Nuquin Papan matses icsambuen namequidquio Mayan Icsa Satanas cuenmendac. Ma Nuquin Icbo Esusën: Mibitedi tantiaquiembi, quequin mibitedi ismendac.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Ebedeo 7:1

Medquisedec shubu dadpen icquid Saden yacnocquidon chuiquid tapa nepampic. Aidi Nuquin Papa abitedishun Icbombo icsho matses bëdambuen ismenuen nëish iua cuessunneshun pichicadednequid nepampic. Adquid icnubi Abadauanën aton utsin mado Dod cuëmëdquid matses utsibon bedshun buansho tsibananshun chuiquid tapabobëta aton sondado cuessun secatanquin aidon bedaid aton utsin mado bedpampic. Adtanec chosho bëquedshun Medquisedequën: Ma Nuquin Papan mibi bëdambuen ispanu, quequin Abadauan chuipampic.

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Petedo 2 2:4

Ëndenquimboshë nidaid uabi icnuc Nuquin Papabëd icquidon utsin utsinquien: Umbiquien abitedi namenu, quequin abi dëniacte bunsho issun Nuquin Papan inchëshquio yacno nidmeshun uidënuaquin bëtashpampic. Iuecshun abitedi cuidte uëshën chian annëdënquiacno nësecanumbi nabono, queshun adopampic.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Udas 1:6

Adecbidi Nuquin Papabëd icquidobi Aidën Chiaid niac niacte buncuenash Nuquin Papabëd icte bunenquio yampampic. Adsho issun aidotedi puduentiapimbo yec inchëshquioshë yacno nidmequin Nuquin Papan bëtashpampic. Mibitedi icsamboshë iquec, queshun abitedi cuidte uëshën cuidquionombi adopampic.

Esusën Uan ismiaid 12:12

Mayan Icsa Satanas cuenmiaid tantiec cuishonquenuna. Nuquin Papabëd icquido yec adec cuishonquenuna. Adec ubitedi cuishonquenuc ¡padtemboshë! Nidaidën tabadquido matses yec acten icquido yec quec cuishonquetiapimbo iquec. Nëshunquio cuenmiac nidaidën budash: Ubi cuidtequid nëbi yanec, quequin tantiaquin Nuquin Papa chieshënquid yec Mayan Icsa Satanas chieshëmënquiec tabadec. Adec tabadquin mibitedi icsamete bunquin mibi natiambo icmendac, quequin chiec onquesho tantiapombi.