Madcos 5:23 - El Nuevo Testamento en matsés

²³ naden Esus chuipanëdash: Cun champi uënëstiadtsëcquio iccoshe. Aid mishquin bëdanmec cho, quequin chuidoniac

Madcos 5:23 ပူးပေါင်းရင်းမြစ်များ

Mateo 8:3

Esus: Ai, mibi bëdanmete bunebi, quequin mishtemaidquiobi mishnubi badedquio bëdampanëdash daicsaid nibëdquio yanec.

Madcos 16:18

Adembidi nisin piaqui bidisquenquio iquendac. Adembidi: Uënësmenu, quequin dauë icsa acmiaqui uënësenquio iquendac. Adembidi nënec uënëstiadtsëcquio icquid icsho mishac bëdanendac, quepanëdash Esus.

Madcos 5:24

Aido cuëmëdquidbëd Esus nidpanëdash. Adec nidsho issun matses dadpenshunquio tsucus tsucustsëcquio yec nidquin Esus tsibanampanëdash.

Madcos 6:13

Adembidi podobitsi icsa dapuduedaid dadpen dapuduenmebampanëdash. Adembidi nënquidobëta daicsaido dadpen icsho cute bacuë bëchin manoshcabanquin dadpen bëdanmeuapanëdash Esusbëd icquidon.

Madcos 7:32

Adnubien dada onquenquio yec pashuaid Esus yacno bëshun: Nëid mishquin bëdanme, capanëdash.

Madcos 8:23

Adsho Esusën bëshuaid mëdinanquin Betsaida caid udictsëc buanshun uicchunën bënoshcatanquin mamishquin: ¿Ada mimbi iseque? Ubi chui, capanëdash Esusën.

Ducas 13:13

chido mishac cacuetanec: Nuquin Papan nadatiambocquin bëdamiaid nebi, quequin chiec chido onquepanëdash.

Ducas 4:38

Adashic Nuquin Papan Chiaid chuibante shubu yacnouësh puduenanec nidec Simonën shubu yacno Esus puduedpanëdash. Adsho issun: Simonën nachi nëncuenash chumboshë iqueque. ¿Ada aid bëdanmetsia? caquien aid mamishec:

Ducas 4:40

Adshumbic inchëshbudtsëqui daicsaidobëta nënquido utsi utsien bëbëpanëdash. Aden bëbëacsho issumbien mishbanquin Esusën bëdanmebampanëdash.

Ducas 7:12

Adec nidequi Nain anoentsëqui choquimbi uënësaid bëquido bëquedtuidpanëdash. Aton mado abentsëcquid uënësaidën tita niante icpanëdash. Aidbëd Nain yacnocquido dadpenquio chochopanëdash.

Uanën dada uaid 11:3

Adnubien aton chuchun: Esus chuitan, quequin nidmiaidën naden Esus chuituidpondash: Mimbi cun utsi cabued Dasado nënec uënëstiadtsëcquio yanoshe. En isec cho, capondash.

Hechos 28:8

Adnubien Pubedion papa chumbo yec pienec aton madon shubu nuntan ueten uepanëdash. Adec Pubedion papa uec, quesho tantiash Pabado aid isec nidshun ashunquiobi Nuquin Papa chuitanquin Pubedion papa damishquin Pabadon bëdanmepondash.

Hechos 6:6

Aidtedi istuidshun buanec Esus chuibennequido yacno choash puduedshun ismiac aid dada 7tedi mamishquin Nuquin Papa chiec: Nëidtedi niante bëdambuen nashunmeta Papa, quequin Esus chuibennequidon chuipanëdash.

Hechos 8:17

Petedobëtan Uanën mëdanten Esus tantiaquido mamishbampanëdash. Aden mamishbannubi aidtedi Nuquin Papan aton Mayan menepanëdash.

Hechos 9:12

Aidëmbi ushquin isacbimbuen isquin mimbi choshon mëdanten mamishac isbenquin isoshe. Aidi istan, capanëdash Esusën Ananias chuiquin.

Hechos 9:17

Adsho tantianec nidec Ananias Udasën shubun puduedquin Saudo istuidshun mamishec: Cun utsi, mibi podquiedën chosho chuibuedën Nuquin Icbo Esusënquio mibi cain: Ma padpiden ismebennu, quequin chomiaid nebi. Adembidi aton Mayan Bëda mibi menemenuen chomiaidbidi nebi, quepanëdash Ananias Saudo chiec.