Madcos 4:11 - El Nuevo Testamento en matsés

¹¹ Adoaquien Esusën: Utsibo tantiamenquio icnëdaidi nëbi: Nuquin Papan namiacno tabadte iquec, quequin mibitedictsëqui tantiamembi. Utsiboembi aden chienquio icquin utsi chiacbimbuen chuibanendac.

Madcos 4:11 ပူးပေါင်းရင်းမြစ်များ

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Mateo 13:16

Aden tantienquio icquido icnubi mibitedishun ëbëd icquidon ubi isquin tantiec tabadec. Adembidi umbi chuibansho tantiash: Abimbo caic, quequin tantiaquido icsho Nuquin Papan mibitedi bëdambo icmendac.

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Madcos 3:23

Adoaquien Esus: Mibi tantiamete chuibannu. Tantiec cho, quetanquin: ¿Mitsipaden Mayan Icsa Satanasën ambi iuaidon icbo icquimbi ambi dapuduedmiaidi dapuduenmepatsiash? Padenquio ictsiash.

Madcos 4:10

Aden chuibanquin nainan utsibo nidannian Esus abentsëqui icsho isash abëd nidquid utsibobëtan abëd icquid 12ted icquidonquio: ¿Atotsi queshun utsi chiacbimbuen aid chiaid tantiamequin matses dadpen chuibanquin nao? capanëdash Esus chuiquin.

Madcos 4:2

Adec tabadshobi: Matses nadquio iquec, quequin tantiamenuen utsi chiacbimbuen Esusën dadpen naden chuibampanëdash:

Ducas 8:10

Adoaquien: Matses tantiamenquio icnëdaidi nëbi: Nuquin Papan namiacno tabadte iquec, quequin mibitedictsëqui tantiamembi. Utsiboembi utsi chiacbimbuen chuibanendac. Aden chiac: Ëshën bëdambuen isquimbi ma isenquiocpanuna. Adembidi tantiaten bëdambuen tantiaquimbi ma abimbo chiaid tantienquio icuapanuna, quepanëdash Esus.

Codinto 1 4:7

¿Tsuntsin: Utsibo padenquio icquin: Mibitedi bëdambocquid nec, capash? Nuquin Papambien mibi adoambo iquec. Adoambo yac ¿atotsi quiash: Ubitedi bëdambocquido nebi, mibi quepe? Ubibi adquidquio yanobi, quiacbimbuen mimbi chuipec.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Codosas 4:5

Esus tantiesabon ubi tabadsho isec, quiash Esus tantiec bëdambuec tabadta. Adec tabadquin Esus tantiesatsen chieshtomenquio icquin tantiamenu, quequin Esuquidistun chiaidquio chuibanta.

Tesadonica 1 4:12

Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.