Madcos 3:9 - El Nuevo Testamento en matsés

⁹ Adec dadpenquio chochoash tsucus tsucustsëcquio yec tabadquin tsicatiac Esus: Ubi tsicatequieque. Cano bec cho, quiampanëdash abëd icquido caic.

Madcos 3:9 ပူးပေါင်းရင်းမြစ်များ

Mateo 15:39

Adshumbic: Nidannec nid, capondash Esusën ambi pemebuedo chuiquin. Adoac aido nidannebon chian budash cano antabëdtoanec potec nidec nidaid cuëshë utsi Macdada yacno Esus nidpondash.

Madcos 4:1

Adashic padpidec chian cuëman nidshun Esusën dadpen chuibanuapanëdash. Aden chuibansho matses dadpen abi tantiec chochosho isash Esus cano antsadtopanëdash, chochoquido acte cuëman tabadnubi.

Madcos 4:36

Adoac chian cuëman tabadquido nianec canon nidquin Esus buampanëdash. Aden abëd icquidobëtan potenubien adembidi cano antabëdtoanquin utsin utsinquien poteuapanëdash.

Madcos 5:2

Ambo nidash pudundoshobi podobitsi icsa dapuduedaid dada choquin Esus bëquedtuidpanëdash. Aidi uënësaido chococaid shëcuë yacnouësh puduenanec choquin bëquedpanëdash.

Madcos 5:30

Adec chido bëdannubien: Umbi nadatiambocquin nac bëdanosh, quequin tantiec amibidi bidiadquin isec Esus: ¿Tsuntsin cun dashcute mishosh? quepanëdash.

Madcos 6:32

Aden chianec cano dapa antabëdtoanec nidec matses nibëdacno abëd icquidobëdtsëqui Esus nidpanëdash.

Ducas 5:1

Adashic chian Quenesaded cashumbic Cadidea caid cuëman tabadquin Esusën Nuquin Papan Chiaid chuibansho tantianuec chochoash matses tsucus tsucustsëcquio yec tabadpanëdash.

Ducas 5:3

Adsho isanec nidash Simonën cano antsadtoshon: Udictsëc ubi buan, Esusën cac Simonën udictsëc buampanëdash. Aden buanac chian cuëman tabadshobi cano antsadquin Esusën chuibampanëdash.

Uanën dada uaid 6:15

Adsho ambibi tantiashien Esus: Aton chuiquid tapa icmenuen ubi bedshun buannu, capec, quianec abentsëqui icnuec Esus macuësh tapa dectatoec niduapondash.