Madcos 3:3 - El Nuevo Testamento en matsés

³ Aden tantiec tabadnubi mëicsatsaid chuiquin Esusën: Nëmbo nënantanquio cho, capanëdash.

Madcos 3:3 ပူးပေါင်းရင်းမြစ်များ

Mateo 12:10

Ambobi dada mëicsatsaid tsadnubi: Chonoadtemaid uëshëmbi matses bëdanmequin Nuquin Papan Chiaid niacsho issun: Mimbi icsambuen naic, canuna, queshun padiseobon Esus naden chuipondash: ¿Nadquid chonoadtemaid uëshëmbi matses bëdanmequinda Nuquin Papan Chiaid niaquenquio icpec? caquien

Madcos 3:2

Esusën bëdanmesho isnuec padiseobo tabadpanëdash. Adec tabadec: Nëid uëshë chonoadtemaid icnubi Esusën mëicsatsaid bëdanmesho isnu. Bëdanmesho issun: Mimbi icsambuen naic, canuna, quiash tabadcuededpanëdash.

Madcos 3:4

Adoac choec nënantanquio mëicsatsaid nidtuidnubi ambo iccuededquido chiec Esus: Chonoadtemaid uëshën matses tantiaquin bëdambuen naquimbi ¿matses icsa uapendambi ique? ¿Nëid uëshëndambi matses bëdanmenquio icpe? ¿Bëdanmenquio icquindambi: Ma adequi uënësnu, cape? quepanëdash Esus. Aden chuisho tantiash ëcbedenquio yec padiseobo tabadpanëdash.

Ducas 6:8

Aden cainnubien aidon tantiaid tantiaquid icquin mëicsaid chuiquin: Nënantanquio nëmbo cho, Esusën cac mëicsaid choec nënantanquio nidtopanëdash.

Uanën dada uaid 9:4

Nëbi ubi chomiondaid Cun Pan chiacpadombuen naic chonoadnuna. Ubi Nuquin Papa yacno nidabi icnuc aden nanuna. Inchëshnuc chonoadtiapimbo yacbimbuec ubi nidan ubëd mibitedi chonoadtiapimbo iquendac.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Cadasia 6:9

Umbi aden chuisho tantiashun chieshtoenquiocquin bëdambuen naic tabadta. Adec tabadsho issun ambi tantiacpadën Nuquin Papan nuqui bëdambo icmequin menendac.

Pidipos 1:14

Aden ubi quënën tsadunaid icnuc: Aidën naondacpadombuen dacuëdenquio icquin Esusën naid chuibennenu, queshun Esus tantiaquido dadpenshun dacuëdbuedombi Esuquidistu tantiec dacuëdenquio icquin Nuquin Papan Chiaidquio chuibanac caosh.

Petedo 1 4:1

Utsibon chieshënquin natiamequin aton dada mëyanaqui Esuquidistu chieshtoenquio icpanëdash. Adembidi mibitedi chieshënquin natiamiac chieshtoenda. Aden mëyanaqui icsambuen nate bunenquio mibi iquendac.