Madcos 3:13 - El Nuevo Testamento en matsés

¹³ Adshumbic macuësh tapa dectatoec nidnun abi tsibanquido utsi utsien chuipanëdash. Aden chiac chochoacsho issun

Madcos 3:13 ပူးပေါင်းရင်းမြစ်များ

Mateo 5:1

Matses dadpenshun tsibananacsho isash macuësh tapa pudundoec poctsebi Esus tsadtuidpanëdash. Asho isash abëd icquido Esusën dayunquio tabadpanëdash.

Madcos 3:14

ambi tantiaidtedi 12tedtsëqui chuiquin: Ubëd tabadquin umbi chiacpadombuen mimbi tantiabenendac. Adquid icsho issun umbi chiacpadombuen Chiaid Bëda chuibanmenuen mibitedi nidmembi. Adquido icsho: Esus chuibennequido, quequin cuënaido mibitedi nendac.

Madcos 6:7

Aden chuibenneshumbi abëd icquido 12ted: Cho, catanquin Esusën chuipanëdash: Nëbi mibitedi nidmembique. Daëd daëdquiec nidanneshun chuibennequimbi umbi nabocpadombuembidi podobitsi icsa dapuduedaid icsho umbi namiac mimbi dapuduenmendac.

Ducas 9:1

Adshumbic ambi: Ubi chuibenneta, caido 12tedtsëqui chochomeshun Esusën nadopanëdash: Umbi nadatiambocquin nabambocpadombuembidi mibitedishun nabanendac. Podobitsi icsa dapuduedaid dapuduenmequinc daicsaido bëdanmequinc nënquido bëdanmequinc quequin mimbi nabanendac.

Uanën dada uaid 6:3

Adnubi Esus abëd icquidobëd macuësh tapa dectatoec poctsebi tabadtuidpondash.