Madcos 3:10 - El Nuevo Testamento en matsés

¹⁰ Dadpen bëdanmiosh, cadoshe. Ubitsen bëdannu, quec chochoshon: Ubitsen ma mishnu, quec Esus mishte bunec nënquido dadpen datsidadec chochopanëdash.

Madcos 3:10 ပူးပေါင်းရင်းမြစ်များ

Mateo 12:15

Adnubien Esus: Ubi cuessunnemete bunec, quequin tantianec auëshquiobi puduanec nidpondash. Nidsho issumbien matses dadpenshun tsibanampondash. Adshumbic aidon bëbëaid daicsaidobëta nënquidotedi bëdanmebampondash.

Mateo 14:14

Adnubien Esusën cano nandoash pudundoquimbi matses dadpenquio icsho istuidpondash. Adsho isash aido tantiec uënësquiocquin aidon bëbëaido nënquidobëta daicsaidotedi bëdanmebampondash.

Mateo 14:36

Bëbëshumbic: Dashcuteuidtsëqui mishash bëdantsiash, queshun Esus chuiquin: Min dashcute cuëma daicsaidobëta nënquido mishme, cac dashcute bëntsecquid cuëma mishmiaqui abitedimbo bëdampondash.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Madcos 6:56

Adecbidi shubu dadpen yacno yacnombuec Esus capucuennesho issun adembidi ambocquidon: Bëdanmianquid nec, queshun Esus nidaid podquied cuëman sambannuen daicsaidobëta nënquido bëbëpanëdash. Aden bëbëshun sanac samëdsho issun: ¿Ada min dashcute cuëma daicsaidobëta nënquido mishmetsia? cac Esusën mishmiaidtedi bëdancuededpanëdash.

Madcos 8:22

Adashic shubu dadpen icquid Betsaida caid yacno Esus abëd icquidobëd chopanëdash. Adec choacsho issun ambocquidon bëshuaid bëpanëdash. Aden bëshun: Nëid bëshuaid neque. Mishquin bëdanme, capanëdash Esus chuiquin.

Ducas 5:3

Adsho isanec nidash Simonën cano antsadtoshon: Udictsëc ubi buan, Esusën cac Simonën udictsëc buampanëdash. Aden buanac chian cuëman tabadshobi cano antsadquin Esusën chuibampanëdash.

Ducas 6:19

Adosho issun: Nadatiambocquid Esus neque. Mishe bëdantsiabi, queshun mishequi abitedi bëdancuededpanëdash.

Ducas 7:2

Ambo nidash Esus tabadnubien Doma yacnoquid sondadon chuiquid tapa capitan caidën iua ambi tantiaidquio nënec uënëstiadtsëcquio icpanëdash.

Ducas 7:21

Aden chiaquien nënquidobëta dada daicsaido bëdanmequinc, podobitsi icsa dapuduedaid dapuduenmequinc, bëshuaid bëdanmequinc caquin Esusën ismebampanëdash.

Hechos 5:15

Adec Esus tantiaquid yanshun daicsaidobëta nënquido bëbëshun: Petedon datannubi aton sauanën ma bëdanmenu, queshun Petedo choacno aton uetechobi nambededpanëdash.

Ebedeo 12:6

Ambi tantiaidquio icsho Nuquin Papan: Naden nata, quequin mibi tantiamendac. Adembidi ambi: Cun bacuëbo nec, caido icshobi bëdambuen namenuen natiamendac, quequin chuipampic.