Madcos 2:2 - El Nuevo Testamento en matsés

² padpidec matses dadpen chochopanëdash. Adec chochoash shëcuë cuëman tsucus tsucustsëcquio yec utsi tabadtiapimbo yec tabadsho issun Esusën Nuquin Papan Chiaid Bëda chuibampanëdash.

Madcos 2:2 ပူးပေါင်းရင်းမြစ်များ

Mateo 5:2

Adshobien Esusën Nuquin Papan matses bëdambuen ismete chuibanquin bedampanëdash.

Madcos 1:14

Adnubien isadaidpembon chuiquid tapan acten mentoquid Uan bedmeshun quënën tsadunmepanëdash. Aden Uan quënën tsadunmiambien Esus nidaid Cadidea caid yacno nidpanëdash. Adshumbic tauaquin Nuquin Papan Chiaid Bëda chiec: Nuquin Papan namiacno tabadte nëbi iquec, quequin Esusën chuibampanëdash.

Madcos 1:33

Aden bëbëash Simonën shubu shëcuë cuëman puduedabi matses dedpen tabadcuededpanëdash.

Madcos 1:37

Aden nibënquin istuidshumbien: Mibi isnuec chochoquidtedishun mibi nibëmbededec, capanëdash.

Madcos 1:45

Adsho tantiaboshombi niacbidanquin: Esusën bëdanmioshi, quequin abitedi chuibennepanëdash. Aden chiac Esus yacno matses dadpen chochopanëdash. Adec chochosho isash: Shubu dadpen icquid yacno tabadtiapimbo iquebi, quianec shubu nibëdacno Esus abëd icquidobëd nidpanëdash. Adnubien Esus nibënec nidaid utsi utsiec yacnouësh matses dadpen chochopanëdash.

Madcos 2:1

Adashic iuepactsëc yash padpidec Capednaun yacno niduash Esus shubun puduedpanëdash. Adnubien: Esus chosh, quesho tantiash

Madcos 2:13

Adashic padpidec chian Cadidea caid cuëman Esus niduapanëdash. Ambobi tabadnubien aidën chuisho tantianuec matses dadpen chochoacsho issun Nuquin Papan Chiaid chuibampanëdash.

Madcos 6:34

Adec aidtedi abia chochoambien Esus abëd icquidobëd choquin cano nandopanëdash. Aden nandoash pudundoquimbi matses dadpenquio abi cainec tabadsho isash Esus: Abi dayun uaquid nibëdnuc nëish iua obeca icsambuec tabadacbimbuec icsambuec tabadquido chochoac, quequin aido uënësquiocquin tantiaquin Esusën dadpenquio chuibampanëdash.

Ducas 12:1

Aden padiseobon: Esus cuidnuen icsambuen chuimenuna, quequin tantianubien matses dadpenquioshë Esus yacno chochoash tsucus tsucustsëcquio yec tatincancuededtsëcquiec iccuededpanëdash. Adec matses tabadnubien abëd icquido Esusën nadopanëdash: Padiseobo bëdambuec tabadquid danmianquid yec pan bidiscametebimbuecquido neque. Aidon muaquin chuisho tantienda.

Ducas 5:17

Adashic uëshë utsimbi Esusën Nuquin Papan chiaid chuibannuc padiseobobëdi Moisesën chiampid tantiamequid dadpen ambo tabadpanëdash. Aido utsi utsiec nidaid Cadidea yacnouësh chochoquido icnubi utsi utsiec nidaid Udea yacnouësh chochoquid icnubi utsi utsiec shubu dadpen icquid Edusaden yacnouësh chochopanëdash. Adec chochoash tabadnubien Nuquin Papan nadatiambocquin naquid icmiac matses daicsaidobëta nënquido bëdanmequid Esus icpanëdash.

Ducas 8:1

Adshumbic Esusën shubu daëdpactsëcquidbëd shubu dadpen icquid yacno yacnombuec capucuennequin: Nuquin Papan namiacno tabadte iquec, quequin Chiaid Bëda chuibennepanëdash. Aden chuibennec capunuc abëd icquido 12ted adecbidi Esusbëd nidpanëdash.

Ducas 8:11

Aden chiashic: Umbi utsi chiacbimbuen chuibambued nad iqueque. Tantia. Chuinu. Tied icbon pete ëshë secaidbimbuecquid Nuquin Papan Chiaid nec.

Hechos 11:19

Esteban cuënoten seshunniash: Esus tantiaquido cuessun secanu, quesho tantiash: Ubitsen cuessunnenushe, quianec Edusaden yacnouësh Esus tantiaquido utsi utsiec nëidtedi yacno niquepanëdash. Nëidic nidaid Penisia caid yacno. Utsibic acte nënantanquio nidaid nacnëdquid Chipide yacno. Utsibic shubu dadpen icquid Antioquia caid yacno. Adec nidanniash tabadquin aton matses isadaidbouidi Chiaid Bëda chuibanquimbi Esusën naid chuibampanëdash.

Hechos 14:25

Adtanec shubu dadpen icquid Pedque yacno choash tabadquin Esusën naid chuibanash shubu dadpen icquid Atadia yacnotsen choshon chuibampanëdash.

Hechos 16:6

Adnubien Pabado: Nidaid Asia caid yacno nidnu, quesho Nuquin Papan Mayan Bëdan: Ambo Esus chuibennec nidenda, cac Pabado abëd nidquidobëd nidaid Pidiquia caidbëta nidaid cuëshë Cadasia caidtsen matambidanec

Hechos 8:25

Adec nidaid cuëshë Samadia yacno tabadquin Petedobëtan Uanën: Umbi isondaidën Nuquin Icbo Esusën Chiaid chuinu, quequin Nuquin Papan Chiaid chuibanash Edusaden yacno chouapanëdash. Adec podquiedën choquimbi nidaid cuëshë Samadia caidën icquid shubu daëdpactsëcquid utsi utsiec yacnoshontsen Chiaid Bëda chuibanuapanëdash.

Doma 10:8

¿Mitsipaden chuiquin dada uaid Nuquin Papan Chiaid icpe? Naden chuiquin dada uamiampid iquec: Ambi Chiaid mibi yacnobi iquec. Min tantiate yacno ambi chiaid iquec. Aidquiobi Nuquin Papa bëdambuen tantiamete nec, quequin tantiaquin chuibanec nebi.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.