Madcos 2:12 - El Nuevo Testamento en matsés

¹² Adoac abitedishunquio isnuc badedquio nidtotanquin abi bëbued nandote chiadtotanquin buanec nidsho isash: Nideque. Is. Adombuen nabanquid isen ictennebi, quetsëcquiec onquiash: Nuquin Papa bëdamboshëcquidën naid nec, quecuededpanëdash.

Madcos 2:12 ပူးပေါင်းရင်းမြစ်များ

Mateo 12:23

Adsho isashien Esus datsidadquido tantiadempambo yec tabadec: ¿Nuquin tsusedpa Dabidën Mado choendac, canëdaidta nepec? quecuededpondash.

Mateo 15:31

Bëdanmiac onquenquio icbuedi onquiampondash. Bëshuacbuedëmbi isbempondash. Capuenquio icbuedi capucuempondash. Daicsaidobëd utsibo nënquidotedi adecbidi bëdancuededpondash. Adsho isash tantiadempambo yec tabadec nadpondash: ¿Adquidta ictednec? Nuquin matses isadaidbon tantiaid icquin Nuquin Papan namiac bëdanmequin naic, quiash: Nuquin Papa bëdambo iquec, quecuededpondash Esusën bëdanmesho isquidotedi.

Mateo 9:33

Bësho issun Esusën podobitsi icsa dapuduedaid cuenmeshunquin bëdanmiac onquiampondash. Aden bëdanmesho isash tantiadempambo yec tabadec: Nuquin nidaid Isadaidënshun adoenquio ictennec, quecuededpondash.

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Madcos 1:27

Adosho isash tantiadempambo yec tabadcuededec: ¿Abimbobida capec? ¿Mitsi padquid nepeba? Ambi chuibanaid chiaid chuca utsibien nechitec. Ma chuiquidën nacpadombuen: Dapuduen, ambi cac aidën chiacpadombuen podobitsi icsan napayoc, quec onquecuededpanëdash.

Madcos 2:11

Nidtoshon mibi bëbued nandote chiadtoshon buanec min shubuno nidec nid, capanëdash Esusën.

Ducas 13:13

chido mishac cacuetanec: Nuquin Papan nadatiambocquin bëdamiaid nebi, quequin chiec chido onquepanëdash.

Ducas 17:15

Adec bëdanash abentsëc dëbidiadanec choec cumapenec cuëdec: Nuquin Papa bëdamboshë iquec, quec

Ducas 5:26

Adosho isash tantiadempambo yec dacuëdcuededequi: Adenshenda bëdanmepec, quequin Nuquin Papan naid chiec onquecuededec tabadequi: Aden nadatiambocquin bëdanmesho isenquio icbuedëmbi nëbimbobi ispombi, quecuededpanëdash.

Ducas 7:16

Aden uënësaid uincuenmesho isash dacuëdcuededequi chochoquido: Adopenshenda uincuenmec, queshun: Abi namequid Nuquin Papa bëdambo iquec, quequin chuibampanëdash. Aden chuibanec: Nuquin Papan ambi: Cun matses nec, caido bëdambuen nashunnuen ambi oncamiaid chomiaid nuquibëd iquec, quec isquido onquecuededpanëdash.

Uanën dada uaid 7:31

Adec Esus cuessunnemete bunnubi utsibo dadpenshun Esus tantiabempondash. Nëid padquid utsi nibëdec. Nadatiambocquin nabanquin matses bëdanmequid yec Nuquin Papan Chomiaid Quidistu caid nec, queshun Esus tantiabempondash.

Uanën dada uaid 9:32

Anin bëshuacchobi tishaid bëdanmiac caosh, quesho tantiambo iccondambi. Adquid bëdanmequid nibëdpadennec.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.