Madcos 16:8 - El Nuevo Testamento en matsés

⁸ Aden chuisho tantianec Esus chococaid shëcuënuësh puduenanec titinquianec dacuëdec uëdëquequin utsibo chienquio yec chidobo nidannepanëdash.

Madcos 16:8 ပူးပေါင်းရင်းမြစ်များ

Mateo 28:8

chidobo auëshquiobi dacuëdbuedi cuishonquec titinquianec Esusbëd icquido chiec nidannepanëdash.

Mateo 7:28

Aden ënquin chuibansho tantiash tantiadempambo yec tabadec: Tantiaquidënquio chuibanacpadombuembien Esusën chuibampec. Ma Moisesën chiampid tantiamequidon adombuen chuibanenquio icpaboc, quecuededpanëdash matses dadpenquio.

Madcos 16:7

Abëd icquido naden chiec nid: Nidaid Cadidea yacno abia nidshun mibi cainec. Ashunquio mimbi Esus isendac, quequin Esusbëd icquid utsibobëta Petedo chuituidec nid, quepanëdash chidobo chiec.

Madcos 16:9

Adnubien uincuenshun dominco badiadnuc Madia Macdadenaba Esusën ismepanëdash. Aidi ambi podobitsi icsa 7ted dapuduedaid icsho dapuduenmiondaid nepanëdash.

Ducas 10:4

Ubi chuibennec nidannequin min piucquidbëta shictoadte buanenda. Tapucudte buanenda. Adec nidannequin podquiedën utsi chosho bëquedash aidbëd onquec tabadtuidenquio yec datambidanec nidta.

Ducas 24:37

Adec isadcuensho istanequien: Podobitsien nec, quiash abëd icquido dacuëdcuededpanëdash.