Madcos 16:6 - El Nuevo Testamento en matsés

⁶ Adsho issumbien: Dacuëdenda. Esus Nasaded yacnocquid cueste napotiaidën dectanquin uënës uabued mibitedishun nibënaid uincuenanec nidosh. Nëmbobi nanac uebuedi nibëdeque. Is.

Madcos 16:6 ပူးပေါင်းရင်းမြစ်များ

Mateo 12:40

Onas nuëcquid tapa nuamboshëcquidën chebudac aidën pucun uec daëdec ushpampic. Adecbidi Matsesën Tishaid icshobi mëyanquin uënës uacsho chococac Onas yampicpadec daëdec ushash uincuenquin mibitedi ismendambi.

Madcos 1:24

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan bëdambuen isaidquio yec Icsaisambo mibi nec, quepanëdash.

Madcos 1:27

Adosho isash tantiadempambo yec tabadcuededec: ¿Abimbobida capec? ¿Mitsi padquid nepeba? Ambi chuibanaid chiaid chuca utsibien nechitec. Ma chuiquidën nacpadombuen: Dapuduen, ambi cac aidën chiacpadombuen podobitsi icsan napayoc, quec onquecuededpanëdash.

Madcos 10:34

Adoac bedshun aidon oncain mamënshumbededquimbi bëpishtucabannetsëcquien cuesquin mëyantanquin buanshun ubi uënës uamendac. Aden uënës uaqui daëdec ushash uincuenendabi, quepanëdash Esus.

Madcos 14:33

Aden chianec nidquin Petedo, Santiaco, Uan quequin buanec bëyucanec nidequi Esus natiaquiec uënësquioshë yampanëdash.

Madcos 9:15

Adec Esus chosho isashien iccuededquido: Bëdanmianquid choeque. Isnunid, quetanec titinquianec choquin: ¿Choecta icco? capanëdash.

Ducas 24:46

Nuquin Papan chuiquin dada uamiampid nad iquec: Nuquin Papan Chomiaid Quidistu Mesias caidbidi matsesën mëyanquin uënës uaqui daëdec ushash uincuenendac, quequin chuipampic.

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.