Madcos 16:5 - El Nuevo Testamento en matsés

⁵ Aden shëcniacsho isash shëcuën puduedquin isaquien dada cania dashcute ushumboshëcquid dasiuidash abiucquio tsadsho ispanëdash. Aid istanec chidobo dacuëdcuededpanëdash.

Madcos 16:5 ပူးပေါင်းရင်းမြစ်များ

Mateo 28:3

Nuquin Papabëd icquid abu bed bedquiacbimbuec bëchamauanquiec isadpanëdash. Aton dashcute ushumboshë icpanëdash.

Madcos 1:27

Adosho isash tantiadempambo yec tabadcuededec: ¿Abimbobida capec? ¿Mitsi padquid nepeba? Ambi chuibanaid chiaid chuca utsibien nechitec. Ma chuiquidën nacpadombuen: Dapuduen, ambi cac aidën chiacpadombuen podobitsi icsan napayoc, quec onquecuededpanëdash.

Madcos 14:33

Aden chianec nidquin Petedo, Santiaco, Uan quequin buanec bëyucanec nidequi Esus natiaquiec uënësquioshë yampanëdash.

Madcos 16:4

Adec onquenidquimbi cuënote dapan bëtashbued shëcniacsho istuidpanëdash. Aid cuënote dapa nuamboshë yec iuëmboshëcquid nepanëdash.

Madcos 9:15

Adec Esus chosho isashien iccuededquido: Bëdanmianquid choeque. Isnunid, quetanec titinquianec choquin: ¿Choecta icco? capanëdash.

Ducas 1:12

Adec nidtuidec dacuëdampambo icsho isash Sacadias dacuëdec tantiadempambo icpanëdash.

Uanën dada uaid 20:8

Aid puduedsho istanec tsiuec puduedshun umbitsen ispondambi. Adash: Ambi chuibocpadequi uincuenac, quequin tantiapondambi.