Madcos 16:1 - El Nuevo Testamento en matsés

¹ Aden isboshic chonoadtemaid uëshë inchëshbudec naimëdnuc Madia Macdadena yec Madia Santiacon tita yec Sadome yec quec nidshun aton piucquid menequin bëdambo nuadnuc: Esus danoshcatannu, quequin danoshcate bedpanëdash.

Madcos 16:1 ပူးပေါင်းရင်းမြစ်များ

Madcos 14:3

Adnubien Esus shubu daëdpactsëcquid Betania caid yacno choash Simonën shubun puduedshun pec tabadpanëdash. Simon aton dada daush daushpambo yec daicsaidquio icsho bëdanmiaid nepanëdash. Aden pec tabadshobien chido choquin ambi piucquid dadpenquio menequin bedaid sedunte postichoquidën icquid danoshquete bëdambo nuadquid dëdquëntanquin Esus machiuimpanëdash.

Madcos 14:8

Nëid chidon ubi uënësacsho chococate tantiaquin machiuinoshibique. Chushcainda.

Madcos 15:40

Adnubien ambobi uannoshon isec nëidted chidobo tabadpanëdash. Nëidic Madia Macdadena. Nëidic Madia utsi Osen tita. Aidi Ose tsibanquid Santiacon titabidi nepanëdash. Nëidic Sadome. Aidtedshun Esus ancuenquio diadsho isbededpanëdash.

Madcos 15:42

Adashic biednes caid uëshë inchëshbudtsëqui: Chonoadtemaid uëshë yaneque. Esus chococatannu, quianec Esus tantiaquid utsi nidpanëdash.

Madcos 15:47

Aden Esus chococasho Madia Macdadenabëtan Madia utsi Osen titan ispanëdash.

Madcos 16:2

Adnubi dominco uëshë badiadnuc uëshë chënquecuntsëcnubi ambi bëdambo nuadte bedbued buanec Esus chocoquiacno nidannequi:

Madcos 16:8

Aden chuisho tantianec Esus chococaid shëcuënuësh puduenanec titinquianec dacuëdec uëdëquequin utsibo chienquio yec chidobo nidannepanëdash.

Ducas 23:54

Inchëshbudtsëqui 6 yannuc: Chonoadtemaid uëshë yanec, queshun Esusën dada Osen aden chococapanëdash.

Ducas 23:56

Aden isash aton shubuno chochoshon: Nuadte bëdan Esusën dada danoshcatannu, quequin bedshun danoshquete chidobon nacnempanëdash. Nacnenash inchëshbudtsëqui 6 yannuc: Nuquin Papan chiacpadec chonoadtemaid uëshë yanosh, quiash Esus nauedacno padpidec nidabi Nuquin Papan chiampicpadec tabadpanëdash.

Ducas 24:1

Adashic dominco badiadnuc danoshcanun ambi nacnembued danoshquete bëdambo nuadquid buanec Esus chococabocno isec chidobo nidpanëdash.

Uanën dada uaid 19:25

Adnubien Esus dectanaid cueste napotiaid tayun nëidted icpondash. Nëidic Esusën tita. Nëidic Esusën tita utsi. Nëidic Madia Quedeopasën chido. Nëidic Madia Macdadena. Aidted chidobo icpondash.

Uanën dada uaid 19:31

Adnubien Esus bëquido isadaidbon: Badiadash nuquin tsusedpabon: Ma cun mado uënësmenquio icnu, queshun obeca caniactsëc cuessunniampid tantiate uëshë iquec. Aidi chonoadtemaid uëshë nec. Aidën cueste napotiaidën dectanquin uënës uaid chococabi icac icsambo ictsiashe. Nëbimbobi chococamenu, queshun Pidato chuiquin: Baded abitedi nidte podquëmbanquin uënës uame. Inchësheque, capanëdash.