Madcos 14:5 - El Nuevo Testamento en matsés

⁵ Aid danoshquete menequin piucquid dadpenquio 300tedec ushec chonoadacsho piucquid meniaidtedquiobi mimbi bedtsenoc. Adoshon piucquid nibëdquido aid piucquid menebantiadquidi mimbi naic, quequin chido chushcabededpanëdash.

Madcos 14:5 ပူးပေါင်းရင်းမြစ်များ

Mateo 18:28

Adoac nidquimbien aid iuan ambi: Ma ubi meneuanu, quequin piucquid daëdpactsëc meniondaid abipadquid iua utsi istuidposh. Istuidshumbic bedtanquin tëtëdinquin: Mimbi bedondactedi piucquid bec cho. Cuessunnechitomane, caquien

Mateo 20:11

Aidtedtsëcbidi meniaquien tied icbo naden chushcaposh:

Mateo 26:9

Utsibo menequin dadpen piucquid bedshun piucquid nibëdquido aid piucquid menetiadquidi mimbi naic, quequin chido chushcapondash.

Madcos 14:4

Aden machiuinsho isash utsibo nëishshun chido naden chushcapanëdash: ¿Atotsi quequin machiuinquin danoshquete mëyanquin nai?

Madcos 14:6

Aden chushcasho tantiashumbien Esusën: Ubi tantiaquin bëdambuen naique. Aden chushcainda.

Ducas 15:2

Adsho isash padiseobobëd Moisesën chiampid tantiamequido Esus tantiamenquio yec chushquec: Abi datsidadquido icsambocquido icsho cacunmenquio icquin aidobëtambi peshun Esusën aquec, quec cuëdcuededpanëdash.

Uanën dada uaid 13:29

Adsho tantiash: Udas nuqui piucquid dayun uashunquid nec, quequin tantiec utsi utsiec: Piucquid buanshun nuqui nëbi petequid bedtan, caquimbien nachitec, quenubi utsi utsiec: Piucquid nibëdquido piucquid menetan, caquimbien nachitec, quepondabi.

Uanën dada uaid 6:43

Adshobien Esusën: Shoshoshquetsëcquien ubi icsambuen chuishunenda.

Uanën dada uaid 6:7

Adoaquien Uedipe: Inchëshën uëshë 8tedquiobi nidmec chonoadshun bedaidtedimbo piucquid menequin pan bedshun: Pemenu, cac aidtedquio pemiadenquio ictsiash, quepondash Uedipe Esus caic.

Codinto 1 10:10

Adembidi tsusedpabo utsin utsinquien Nuquin Papa icsambuen chuishunec chushquecuededampicpadec chushquenda. Adquido icsho Nuquin Papabëd icquid uënësmianquid caidën cuessun secamepampic.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Pidipos 2:14

Adoac bëdambuec tabadec chushcananenda. Adecbidi: Bëdambuen nanuna, cac chieshec icsambuec onquenda.

Udas 1:16

Aido cuidtequido iquec aton chuiquid tapabon chiaid tantienquio yec: Icsambo iquec, quiash icsambuen chuishunquin abitedi chieshënec tabadec. Ubiuidtsëqui bëdambuen naquidquio nebi, queuidequi iquec. Ubi bunacpadombuen ma nanu, quiash matses utsibo chiec: Umbi tantiaidquio mibi nec, quec muaic.