Madcos 14:38 - El Nuevo Testamento en matsés

³⁸ Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Madcos 14:38 ပူးပေါင်းရင်းမြစ်များ

Mateo 24:42

Aden umbi chuibued tantiashun: ¿Nëbida cun Icbo chopeba? quequin ënenquio icquin ubi tantiata. Ubi chote uëshë mibitedishun tantienquio iqueque.

Mateo 25:13

Umbi chuibued tantiashun chido icsambuen tantiaquido tanenda. Ubi chote uëshë tantiadenquio icnuc: ¿Nëbida cun Icbo chopeba? quequin ubi bëdambuen tantiec umbi chiacpadec bëdambuec tabadta, quepondash Esus abëd icquido chiec.

Mateo 26:41

Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën: Icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Madcos 14:34

Adshumbic: Ubi uënësquio icaidëmbi uënëstiadquio iquec. Udictsëc nidebique. Nëmbo tabadec ushenquio icta, quepanëdash Esus ambi 3ted buanaid chiec.

Madcos 14:37

Aden chuitanec choquimbi abëd nidbued 3ted icquid ushsho istuidpanëdash. Adsho issun Petedo chuiquin: Simon ¿ushecta ne? ¿Iuec iuecpactsec ushenquio icquin istiapimboda ique?

Madcos 14:39

Aden chianec ambi Nuquin Papa chuibocno padpidec niduashun ambi chuibocpadembidi Nuquin Papa Esusën chuiuapanëdash.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Ducas 22:40

Adec nidequi abi tabadtedniacno choshon Esusën: Mayan Icsa Satanasën mibi caic: Icsambuen namequin tannu, cac aid bunacpaden ubi namenda, Papa, quequin Nuquin Papa chuidoneta, capanëdash abëd icquido chuiquin.

Ducas 22:46

¿Atotsi quiash ushec samëde? Isucunshun: Mayan Icsa Satanasën namete bunacpaden ubi namenda, Papa, quequin Nuquin Papa chui, capanëdash Esusën abëd icquido chuiquin.

Codinto 1 16:13

Icsamane, queshun isucunacbimbuen chieshtoenquio icquin Esus tantiaquidquio icta. Adecbidi natiamiantequid icnuc dacuëdenquio yec chieshtoenquio yec tabadta.

Cadasia 5:17

Mibi icsate bunaid naic Nuquin Papan Mayanën tantiamiacpadec bëdambuec tabadtiapimbo mibi ictsiac. Nuquin Papan Mayanën tantiamiacpadombuen naic tabadquin mibi icsate bunaid mimbi nainquio ictsiac. Adquid icquin mibi bunacpadombuen nabantiapimbo mibitedi iquendac.

Pidipos 2:12

Cun utsibo, umbi tantiaido mibitedi neque. Tantia. Chuinu. Ubëd tabadquin umbi chiacpadombuen mimbi nadedniondacpadombuen ubi uanno nidan adembidi bëdambuen nata. Nuquin Papa dacuëdampambo icquidën chiaid niacmane, quiash aidën chiacpadombuen naic aidbëd tabadnush bëdambuec tabadta.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.

Esusën Uan ismiaid 3:10

Umbi chiacpaden utsi uainquio icquin ubi tantiasho issun mibi cudasquin dayun uaindambi. Mayan Icsa Satanasën: Mibi icsamenu, quequin: Tannu, queshun natiamboshë icmendac. Adoshobi mibi cudasquin dayun uaindambi. Adembidi nidaid utsi utsiec yacno tabadquido abitedi natiamendac.